Thuthak Tomkimcing 5 Sep 2014

Thuthak Tomkimcing 5 Sep 2014

A. Chin State Thukhen Maangpi Palai te nasepzia kikupna.

Chin State Hakha khuapi ah Myanmar gambup Thukhen mangpi te leh Chin State thukhen mangpi te a (7) veina thukhen zia nasep kikup nawina 2014 Sep 4ni Zinglam daak 10 am pan kipan in bawl uh hi. Hunhon thugen na ah Chin State Thukhen Mangpi U Win Myint Kyaw in nei hi. Hih mun ah Thukhen Mang palai 13 kihel uh hi. Chin State Thukhen Mangpi in Myonee pan kipan District Thukhen zum nasem te in Kha sumte kumpi pan kipia khin ahih man in Mipi tungpan deihsak na tawh akipia sumte san loh ding keelsel guknek ( Corruption) zatloh ding vaikha hi. Tuhun kiuk zia kikhelna dungzui in gukneek zatna kithei leh mipi lauhuai zawta cihi.

B. Tamu Khupi ah Sisan hopkhiatna kibawl.

Zomisung khat leh khat kihuh theihna kipan pih theihna te sung pan namkhat ahi Damlo zato lum cina mite siisan kisam te ading in Tamu om khangno te in siisan piakkhiat na leh kaih khopna bawl uh hi. Tua mun ah pawl thum in kikhen uh a, Tamu khangno kipawl na, Meokuang kipawlna leh Gurkha nam kipawlna te pan insiisan hopna piakkhiatna kaihkhopna nei uh hi. A Group sii san tawl 200tak kingah khia cih kiza hi.

C. Thein Sein thugenna ah’ Pu Dr. Ngun Cung Lian kamphen.

Gamlian kumpi minam Ngeina leh Lai kiptak anei Myanmar in zong koikoi munpai ta leh apianpih kampau tawh pau ciatciat in a, minam dang te theih nading kamphem tonpih den hi. Khangno te in I kumpi pan in Mikang pau theilo liang ahiam ci thei uhi. Ataktak ikumpi pa thu gen mikang ten atheih nading in kamphen atonpih hi a namlian hi ung cih lahna hi gige zaw ahihi.

Sal le sila, Agaltai minam hilo Nampi cih nopna alah na ahihi. Tu in zong Myanmar President leh NZZ (Neue Zeue Zurcher) News thuthak tangko te tawh kimuhna ah CNF pan Pu Dr Ngun Cung Lian in kamphen sak hi. Neue Zeue Zurcher pen Switzerland gam ah thuthak tangko minthang pen khat in kithei hi. Hau Thang