Khasiat huai huhding neilo km12 gamla azi luanghawm tangpuak India pa

Khasiat huai huhding neilo km12 gamla azi luanghawm tangpuak India pa

August 27/2016 – India gam,nisuahna lam a om,Orisa state ah, Dana Majhi i azi Amanda, kum 42, pen Tuberculosis (TB) natna tawh Bhawanipatna khuapi a, District Hospital ah August 23 ni-in a it mahmah a pasal leh a ta teng nanusia hi.

Innsang nuntaak khuasakna hamsa mahmah a hih manun mawtaw sap nading neilo uh a, Zato mawtaw tawh inndong a luang puaksakdingin nget cihtakin a nget hang Zato thunei te’n nanial uhhi. Zato te’n a nialnial uh takteh cih nading thei nawnlo in a man a liangah tangpuakin a tanu kum 12 gual khat in a nungpan khitui luangkawm in nazui a, Km 12 gamlat nadong apuaksung, gimlua in tamveipi bang na tukpih hi.

Hidan a, a zi luang apuakkhiat pen siavuante’n ko zongh honghilhlo in na paikhiatpih simhi na cilai uhhi.

A zi nutsiat nitaak in zato nasemte tungah huhna angetteh na huhnuamlo uh ahih manin zato thuneipente dongah mawtaw tawh puaksakdingin huhna a ngetnget hi’n a huhnoploh uhteh lawmpa’n a liangah nga in a napuakhia ahi hi. Siavuante muhloh nading omvetlo hi.

Zato leh misi nu-te khuapen Km 60 ki gamla hi a,lam tawntungah a zi luanghawm a puak,mi’n a muh uhteh zoto-te lakah hoihtak gensak uh a, zoto te’n mawtaw tawh na nungdelh kik uhin zato mawtaw tawh inndong napuaksak sam uhhi.

Hihthu galkapbu khatin a zakteh omtheilo in Rs 2000 tawh na huh a, tuabanah Red Cross te’nzongh Rs 10,000 tawh nahuh uh hi. February kha sungin India kumpi’n Zato pan misi khatpeuh huhna a kisap uhleh Zato mawtaw tawh a inn donguh napuak un ci’n thu nasuaksak khin uhhi. BBC – Zomi Post