KFC te’n Sengam ah Smartphones hawmkhia

KFC te’n Sengam ah Smartphones hawmkhia

KFC te’n China gamsung ah Smartphones hawmkhia uh cih CNBC pan kiza hi. Amin kibang hikei KFC (Kentucky Fried Chicken) te ngiatmah cimawk hi. China gamsung ah KFC Company alutzawh kum 30 cinna 30th Anniversary of Operations phawkna in ahawmkhiat uh ahihi.

KFC pen ihtheihsa mahbangin aksakan azuak te ahi uhhi. Ansa azuakzuak te’n Smartphone hawmkhia cihpen alamdangpi khat ahihi.

Tuabang in KFC Company te’n Smartphone ahawm khiattheih nadingin Chinese Smartphone maker minthang mahmahkhat ahi Huawei tetawh kipawlkhawm in abawlkhiat uh ahihi.

KFC te’n Huawei tetawh Partnership kabawl uhhi ci’n Friday ni in Weibo Account tungtawn in tangko khia uhhi.

KFC te’n China gamsung ah amasa penpen KFC Restaurant khat 1987 kumin Beijing, Tiananmen Square ah hong uhhi. Tulaitak China gamsung ah KFC Restaurants bekbek akigawm in 7600 valbang omkhinta hi.

Video: KFC Releases Smartphone in China

China gamsung ah KFC pen Yum China kici Company te vaihawmna tawh alut hi a, tua Yum China nuai ah KFC, Pizza Hut, Taco Bell cihbang Brand tuamtuam lutkhinta hi.

Huawei kici Telecommunications Equipment Company zong China gamsung ah Smartphones tampi abawlkhia in akithei Company minthang khat ahihi. Huawei Company pen 1987 kum in Shenzhen ah aki phuankhia ahihi.

KFC leh Huawei Company nihte pen China gamsung ah akipatzawh uh kum 30 cinna phawkna in Smartphone atuamin bawlkhia in ahawmkhia uh ahihi.

Related: KFC Japan te’n “Finger Condom” bawl

KFC Huawei 7 Plus Smartphone tepen aci asan “Red Color” in kibawlkhia a, atungah KFC Logo mah tuangsakpah uhhi.

Hih KFC Huawei Smartphone tepen tampitak kibawllo in, Limited Edition ci’n Unit 5000 bekbek akibawl ahihi. Phone khatciang in Yuan 1099 ($224) mansak uh ci a, tuni July 13 akipan Tmall Store panin ki leithei cih kiza hi. Sawltak #zomidaily