Kenya gam Garissa University kikaapna Updates April 2,2015
Kenya gam Garissa University ah April 2,2015 ni in al-Shabab mi ngongtat mi 4 in Sangnaupang teng bankap uh a, nikhat thapaai Palik gaalkaap tetawh University huangsung ah akikaap tuahkhit uhciang al-Shabab thautawi mingongtat 4 te Kenya Palik leh Gaalkaap ten kaplum zon ngawngaw ta uhhi.
Hih kikaapna sung ah Sangnaupang 147 in anuntaakna beilawh uha, mi 5 liamma tawh gim mahmah in adang 60 vaal te in liamna neu ngah uhhi. Hih sangkaap ding a ageelpipa peen Mohamed Kuno kicipa hi a amah peen migilo asepma in hih khuapi mah a om Islamic School khat ah sang Siapi seem in 2007 kum pan khawl in minthak tawh migilo makaai aseem ahihi.
Hih Garissa University ah sangnaupang 815 pha a Laivuan ding a kithawi litlit laaitak uh zong ahihi. Hih migilo asi mi 4 te in asihma un Sangnaupang te Muslim teng khah in Christian teng kathat mangding uh ci in gen uhhi. Acih zahkhat mah un asi atamzaw Pasian bia vive ahihi. BBC/ Thang Khawm Pau ZOMi/ Bowling Green , Kentucky, USA
Comment piaknop aomleh...