Kawlgam Tanakha kidop huai ci’n New York zato khatah Warning kisuang

Kawlgam Tanakha kidop huai ci’n New York zato khatah Warning kisuang

Kawlgam sungah adiakdiak in Kawl Burmese te’n alimzat phadiak uh Tanakha akici tepen hoihkhittuak mello hi. USA, New York khuapi sung aom zato khat ii Notice Board tungah “Shwe Pyi Nan” Tanakha te zatlohding “Warning” kisuang hi ci’n Dr. Tint Swe in amah ii Facebook tungah pulakkhia uhhi.

Tua Warning pen atungah Photo sungah ihmuhtheih danmahin “Shwe Pyi Nan” kici Tanakha Brand lim suaksak uh a, anuai ah hihbang in Manglai tawh gelh uhhi.

Warning
These products contain a high level of lead and can be dangerous if put in the mouth. Pregnant women and children should not use there products. These are dangerous if swallowed.

Hih Products ahih keileh vanzat te sungah Lead akici gu apiang sakthei Chemical Element te tampi kihel ahih manin, kamsung ah lutkhaleh lauhuai mahmah hi. Nupi naupaai te leh naupang te’n hih vante zat huai hetlo hi. Kamsung ah valhkhaleh lauhuai mahmah hi.

ci’n Warning kisuang veve mawk hi. Ahoihlohna mukhia uh ahih manin Warning asuang uh hihamtangding hi.

Tanakha singtum tepawl pen siatna omlo zawdeuh khatheiding a, hih zattheih ziauding in akibawlsa Ready-made tepawlpen lauhuai takpi khading hi.

More: Singapore ah Kawlzatui “Ananda Thukha” neklohding in thuneite’n pulak

Kawlte phadiak in naupang te Tanakha anuhsak uhciangin agilsung votsaktuam ci’n liaksakthei uhhi. Tuabang in liahding in hih Ready-made te phadiak lauhuai mahmah khading hi. Kawl ngeina zatui tuamtuam tezong hoihkhittuak hetlo hi. Nungdiak inzong Singapore Health Sciences Authority (HSA) te’n Kawlzatui khat ahi “Ananda Thukha” akici te neklohding in pulakkhia uhhi. ZD Sawltak #zomidaily