Kawlgam Rohingya buaina pen Saudi leh Pakistan tetawh kizom

Kawlgam Rohingya buaina pen Saudi leh Pakistan tetawh kizom

Abeisa 2016 October khasung in Rakhine State sung aom Myanmar Border Guards te akaplum tepen Rohingya Muslims Group te kici a, tuate apanpih leh akizoppih pen Saudi Arabia leh Pakistan te hi ci’n ICG kici International Crisis Group te’n genkhia cih Reuters pan kiza hi. Hih Rakhine State sung buaina hong nasiatna pen hihhangzong kici theihi.

Tuahunlai in “Myanmar Border Guards” in aom palik Policemen mi 9 kithat ahih manin, Myanmar Security Forces te’nzong Rakhine State sung siansuahna bawl uh a, Rakhine State sung buaina hongkipan ahihi.

Hih buaina hangin mi 86 bangin sihlawh cih Myanmar State Media te’n genkhia uh a, United States te’nzong Rohingya Minority te mi 27,000 bang Bangladesh gamgi lamah taikhiading ci’n ummawh uhhi.

Belgium, Brussels aom ICG kipawlna te’n hihvai akankhiat uhciang in mawhpuak aneipen Harakah al-Yakin Group kici te hi uh cihi. ICG te’n hih ngongtat Group sungah akihel mi 4 zong Kawlgam sungah Interview bawlthei uh a, Kawlgam pualam ahzong mi 2 Interview bawlthei uhhi.

Mi ngongtat te Group pen Harakah al-Yakin ii akhiatna pen Upna tawh kalsuan cih “Faith Movement” khiatna aneikhat hi a, 2012 kumin akipan uh ahihi. A makaipipa pen Ata Ullah kici a, apianna apa pen Rohingya pemta khat ahihi. Pakistan gam, Karachi khua ah suak in, aneulai mahin Saudi Arabia gam, Makkah khua ah lal uhhi.

Ata Ullah kicipa leh Rohingya mi 20 makai in Saudi Arabia panin hongkuankhia uh a, Kawlgam Rakhine State sungah buaina hongpiangsak uh ahihi. Hih kipawlna Group te ii Headquarters pen Makkah khua ah om a, Senior Rohingya pemta mi 20 in makaih uhhi ci’n ICG te’n genkhia uhhi.

More: Rohingya tebek UN Card kipiahen ci’n Malaysia Minister khatin genkhia

Hih Group te ii ngimna bulpi pen Kawlgam sungah Rohingya kici te aki bawlsiatna abeinading leh Myanmar Citizenship Status a ngahtheih nading uh ahihi cihthu ICG pan kizasawn hi. ZD Sawltak #zomidaily