Khuapi lam manawh in ka zin lai tak un, khua nawl khat ka tun uh ciangin, mual pang khat ah ka tawlnga uh hi. Tua laitakin, Siapa in agal a khuanawl akibawl pawi dan khat kawkin, “En dih ve hia teng ah” ong ci a, kei zong ka et kawm in,”Mopawi ahih kei leh mopawi ding kiging hi ngel un teh” ka ci hi. Monu in puankang atual dildel khat silh kawm sa in, a moliah teng tawh Paakhuan sungah, vak hialhial uh hi.
Siapa in, “hia i gal muh pen in a thupi mahmah leh alian mahmah thusim khat nei gige hi. Tua bek hi lo in, tua thisim i a lim a hi lai ve. Hih thu pen a om takpi itna ngaihna tangthu khat ai ve” ong cih beh hi.
“Monu” acih pen ei mimal khatciat i dinmun ding etsakna tawh ong ki siam ong ki bawl hi ve.”
” Sia aw, tel pha keng.”
‘Eite pen ong bawl pa in, Monu ding a ong bawl hi a, ei te khat kia bek pen kim/kicing cih om thei ngei lo. Ih lungsim tawng penpen, i lung tang sung pan in, lunggulh khat ki nei in, tua ih lungulhna pen bangin ong lungkim sak a, bangin kicinna ong pia thei ding ahi hiam ci in i zong zong hi. Mo nu in a koppih ding Mopa ki sam hi. Eite zong, tua mah bangin, kilangsam ki kopsam den a, tua mopa pen ikop pih ding hi a,mopa tawh i ki muh masiah i kizop pih ding a zong thapai te i hihi.
“Ki zoppih-i bang teng tawh kizom ding”
“I Lungtangin lunggulh khat nei in, i ngaihsun hi__Tua in, mihing maw, minthanna, neih leh lam te, gualzawhna,sum leh pai, mel leh sa hoih na, it na ngaihna, innkuanpih,vangliatna, ngimna cih te ban ah tampi om lai in teh. Mo nu in,zonkhat nei in, a muh masiah lung nop cih omngei lo ahi ve.
“Sia aw, tua hi leh monu in a zonzon pen a muh masiah a lungkim zo ngei ken teh maw?.”
“Den a i gen ‘NA’ te pen ‘Mopa’ hi lo a,tua teng i neih hangin’ i lung a kim zo ding bang hi kei.”
“A ma MOPA pen kua hi dingahia?
“A ma MOPA pen a mah a bawlpa ‘Pasian’ i cih pen a hi zen ve”
“Aw hi mawk maw, tua hi leh amah i zon kul ve maw.” ” Zon a, muh bek hi lo dingin’ tenpih’ kul ngiat ding ai ve”.
“Pasian ‘tenpih’ ding lah na ci zawzena? Bangcih tenpih ding i hi a?”
Na nuntakna khempeuh, na lungsim khempeuh, na pumtung na khempeuh , na lunggulhna khempeuh, tawh kizom ding. Tua ciangbek, na lung ong kim dingin, kicin na na mu pan ding hi. Na lungtang sung a om’ na lungulh luatna i thusim pen mopa’ bek mah ahi hi. Monu i deihna khempeuh in PASIAN’ a hihi.
Mission: A ma ki muh/zop nading ong liah, ong dal thei ding, nakhempeuh pai khia in,na lungsim tawng penpen tawh MOPA zom in.
Deu : 6: 5; Song of songs 1:1-4; Ephesians 5:28:32 (Canh Day 6)
Dim Lun Zam
Comment piaknop aomleh...