Kawlgam pan Catholic Biakna makaai khat Leitung mai ah dawkzo ta

Kawlgam pan Catholic Biakna makaai khat Leitung mai ah dawkzo ta

Cardinal Charles Maung Bo pen tulaitak in Yangon Archdiocese ah Archbishop a seplaitak hi a, 2015 Jan5, 2015 ni in Catholic biakna ii phualpi a hi, Vatican gam pan Siampi Lianbel Pope Francis in Cardinal ding teelkhia hi. Tua teelkhiatna lak ah gam tuamtuam pan Cardinal 20 pha hi. Kawlgam pan, Thailand le Vietnam pan khat ta kiteel khia hi.

(February 14, 2015 ni in Italy gam, Rome khuapi sungah om Vatican gam pan Cardinal za a ngah laitak limlak pawlkhat om hi.)

Kum 66 a pha Cardinal Charles Bo pen kawlgam ah Catholic biakna a tunzawh kum 500 pawipi a kibawlzawh a sawtlo in a kiteelkhia a hihman in Kawlgam Catholic biakna ah tangthu thak bek thamlo Cardinal dinmun a ngah masa pen hipah hi ci in laimaithak kihong taktak ta hi.

Cardinal Charles Bo pen Monhla, Shewbo township, Mandalay division pan piang hi. April 9, 1976 kum in khantawn Siampi suahna za ngah in 1986 ciang in Lashio Diocese ah Vatican pan a kipia Bishop ding in za ngah hi. Tua khitteh Mandalay Archdiocese, Patein Diocese le Yangon Archdiocese te ah Archbishop (Siadaw) sem kawikawi hi.

Cardinal Charles Bo pen kum 66 pha pan a hihman in mailam ah Pope a suak ding dinmun hong om le teeltheihna thuneihna (Vote pia) nei bek thamlo a mah ngiat zong Pope dinmun a tungthei Kawlgam Catholic Makaai khat hi ci in Leitung ah kiciamteh taktak ta hi.

Ordinary Public Consistory for the new cardinals – 2015.02.14

Zomi a hih loh hang in Kawlgam pan hihdan in Siampi za hongngah a hihman in kawlgam mi khat ka hihna tawh ka kipaak in, ka lungdampih mahmah hi.

Cardinal za hongngah khitteh Kawlgam ah bangteng kilamdanna hong bawlzo ding hiam ci in leitung mipil pawlkhat in encik ding in kipan litlit ta hi.

Topa Pasian in thupha hongpiaksak henla, a nisim mabaan te hong tonpih sak tawntung ta hen!!!

Francis Khampi