Kawlgam pan amasapen numei pasal omkhopna “Porn Movie” cizen ei

Kawlgam pan amasapen numei pasal omkhopna “Porn Movie” cizen ei

Kawlgam sungah “Art of Myanmar” kici Video Production Group khatin numei pasal omkhopna “Porn Film” bawlin hawmkhia uh cih tulaitak Facebook tungah minthang mahmah hi.

Kawlgam sungah numei pasal utbangin aomphial uh ahi zongin, amauleh amau utbangin aomkhop laitak uh Video Record akibawl phial uh ahi zongin, Official taktakin “Porn Movie” bel omnailo kici hi.

Hih “Art of Myanmar” kici te bawlkhiat, hawmkhiat Porn Movie pen nai 2 sungtak sawtin, sumzonna in akibawlkhia zahmawh video “Commercially Produced Video” hi kici hi.

Video akizaih hunpen nungkum December khasung in akizaih kici a, Movie Title pen “Violet of Myanmar” cih minvawh uhhi.

Zanhal Monday (Apr 24) ni akipan Online tungtawn in hawmkhiata uh ahih manin, Kawlgam mite sungah hih Porn Movie vaitawh kisai in ki kamtam ngeingai in gamlum mahmah hi.

Art of Myanmar Production te ii Facebook Page pen hih ahihi facebook.com/ArtOfMyanmarProduction

Art of Myanmar te’n Facebook Page tungtawn in agenkhiatna ah “We have now proudly launched Burma’s first ever [porn] HD” ci’n tangko khia uh cihi. Kawlgam sungah aomngei nailo, amasapen Porn Movie pen kipaktak in kong hawmkhiata uhhi cihna ahihi.

Tua Porn Movie ettheih nadingin Kawlgamsum Ks. 5000 piakkul ci a, tuasum piakhinleh a ettheih nadingin Link khakding uh cihi. Tuakhit ciangin adang “Nurse” kici Porn Movie khatzong etnopleh Kawlgamsum Ks. 10,000 piakbeh kulding ci uhhi.

Viber Account tungtawn in aleinuam te’n ki Contact thei ci uh ahih manin, akhahkhiat khitzawh nai 24 sungin SMS Message bekbek 2000 val lut ahih manin, Viber Account zong kisiacip cihi. Ki lunglut mahmah hihtuak hi.

Hihvai tawh kisai in Myanmar Police te’n kua bawlkhiat hiam cihpen limkansan mahmah cih kiza hi.

Myanmar President’s Office spokesperson U Zaw Htay in agenkhiatna ah hih Film Production ah akihel kuateng hiam cihpen palik te’n akansan laitak hi ci’n Tuesday ni in genkhia hi.

Kawlgam thukhun “Article 292 of Burma’s Penal Code” sungah numei pasal zahmawhvai “Obscene” akizaih leh akemkha tepen kha 3 sungbang thongkiathei cih ahihi.

More: Nungakno khakin Facebook pan aguaktanglim khakkha ahih manin Blackmail thuak

Kawlgam pen abeisa hunsung ah Porn Industry aki khakcip hi a, ahi zongin Internet hun hongtun ciangin Online Social Media tungtawn in Kawlgam mite bawl “Short Sex Films” tuamtuam ki khahkhia zelzel kici hi.

Tuamah bangin Kawlgam sungah ih Actor, Actress, Model Girls tezong ludawk tawdawk, awmdawk cihte hongtam mahmahta hi. Mailam ah bang aci mawkdiam? Sawltak #zomidaily