Biakinn sungah mivomte 9 a kaplumpa thukhenna kipanta

Biakinn sungah mivomte 9 a kaplumpa thukhenna kipanta

Dec. 9, 2016: South Carolina State sunga om Charleston khua-a Emanuel African Methodist Episcopal Church ah June 17, 2015 in mivomte 12 in Bible study a neih lai un tuate lakah tawl khat va tu-in a thau tawh mi 9 kaplum in, mi thum that loin a hing khawi Dylann Roof tualthahna vai thukhenna Wednesday in kipan ta hi.

South Carolina state pen minam kideidanna a nasiat mahmahna mun hi a, Dylann Roof tuahthahna tawh kisai sih daan pia ding maw cih thukhen ten a deihna uh leh a ngaihsutna uh kituak thei lo ahih manin “hung jury” kici hangin tu dong a kidaih den leh a awkcip den lai ahi hi. Hih banga a mulkimhuai tuahthahna a pian’ kum khat leh a kim bang hi dek ta a, zanhal in Charleston ah jury selection leh opening statements kici Dylann Roof tuahthahna thu “penalty trial of Dylann Roof” kici pan tan ta thong sam hi.

Roof in a mi thah ma-in zong online manifesto ah mikangte a humbitnopna thu khah khia in, Confederate lan (flag) tawh maan a kizaihna khah khia hi. Roof in Emanuel African Methodist Episcopal Church sungah a thau kap lai-in mivomte kona kammal a zatte, a mi thahna a deihna leh mivomte leh mikangte kikal-ah tualgal a pianna ding a deihna leh mivom ten hong uk khum hi ci-in a deih lohna thu a gen teng teci pangin mi thum a hing khawi ahi hi.

Roof in mivomte kua a kaplup ma kha nih in North Charleston police officer Walter Scott in mivomte thau tawi lo taxi hawl Michael Slager kici traffic stop panin a tai leh na kaplum hi. Michael Slager kithahna vai thukhenna Monday in man ta napi thukhena kician pulak khiatna (verdict) om loin bei a, tua hangin Charleston a daih hangin kitelsiam lohna khang kik leuleu ahih manin state prosecutor ten thukhenna neih kik (retrial) ding ci uh hi.

Roof gum thukhen ten (lawyers) Roof tungah sih daan a kipiak lohna dingin federal prosecutors ten a thukim leh mawh hi ci-in na kipiakhia ding uh hi a cih hangun federal prosecutors ten a ngetna uh nolh hi. Prosecutors ten Roof mawh hi cih theihna ding thukhenna ni 6-7 bang hun la ding hi a cih hangun defence lawyer David Bruck Roof’ case in hun sawt zaw la theih ding hi ci hi. A beisa nipi kal in Roof in kei leh kei kigum (defend) ning ci-in amah a gum sitnite na tawpsak a, ahih hangin Monday in guang kik hi.

More: Malaysia gamsung aom Kawlgammi te kidop huai semsem

Roof in federal court ah ngawhna (charges) 33 a tuakte lakah hate crimes leh obstruction of religion cihte kihel a, State prosecutors in mi 9 a thahna hangin sih daan piak theihna dingin “second death penalty trial on nine murder charges,” kici ngawh sawm (plan) uh hi. Source: Agencies/ Thang Khan Lian