Kawlgam koi Hotel ah President Obama zintungding

Kawlgam koi Hotel ah President Obama zintungding

President Obama pen tukalsung in Kawlgam hong hawhding hita hi. Tua thutawh hizui in mipawlkhat te’n koi Hotel ah atungdinghiam cih lunghimawh mahmah uh a, Kawlgam Minister pan aki zakna ah President Obama pen Kempinski Hotel Group te khutnuai aom Hotel khatah tungding in ki lamen ci uhhi.

Messenger News Journal te’n Monday ni in a genkhiatna ah Deputy Minister of Hotels and Tourism tetawh kikum in President Obama zintun nading akiteelkhia hi a, Security zong US kumpi mahin mawhpuak lading ahih manin, lungmuanhuai mahmah cihi. Kawlgam ah President Obama khualzinding vai hangin Kawlgamsung munkhempeuh ah Security zong khauhsak mahmah cih kiza hi.

President Obama pen Wednesday niciang in Kawlgam hongtungding hita a, Association of Southeast Asian Nations (Asean) ki muhkhopna ah akihelding ahihi.

Kempinski Hotel Group te Headquarter pen Switzerland gampan hi a, Nyipyidaw aom Kempinski Hotel zong a Quality neimahmah Five Star Hotel khat ahihi. Nyipyidaw khuasung ah Hotel atamman penpen inzong akigenkhat ahihi.

Kempinski Hotel Management te genkhiatna ah Hotel Room nihpen thautang apailet loding in akibawl “Bullet Proof Glass” kithuah a, gammakai Government Leader te adingin lungmuanhuai mahmah cihi. ZD Sawltak #zomidaily