Japan Company minthang Suzuki te’n Kawlgam ah Factory khat lambehding

Japan Company minthang Suzuki te’n Kawlgam ah Factory khat lambehding

Japan gampan Automaker minthang mahmah ahi Suzuki Company te in Kawlgam ah Dollar Million tampi bei in Factory Plant khat lambehding cih AFP News in genkhia hi. Kawlgam ah abeisa kum 4 khit pawl akipan Motor ki leiziahziah ahih manin gamdang Motor bawl Company te inzong hong sumzon nading in hong lunglut mahmahta uhhi.

Hih Suzuki Company te in Yangon khuapualam aom Thilawa Special Economic Zone ah huanggolpi Acre 50 azaikhat leikhin uh a, tualai munah ki busading uh cihzong Nikkei Business Daily in genkhia hi.

Factory inngolpi lamding pen tukum beikuan in kipanding uh a, 2017 kumciang in Motor bawlna Company pen Ready tading cihi.

Kawlgam sungah Suzuki Motor nasiatak in bawlkhiatsawm uh a, nasemding zong mi 300 bang cialding uhhi.

Hih Kawlgam ah abawlding uh Suzuki Company panin kumkhatsung in Motor 10,000 bang bawlkhiat zawhding gelna nei uhhi.

Suzuki Company pen nidanglai 1999 kum inzong Kawlgam ah honglut ngeikhin uh a, Local Company tetawh Joint Venture in hongkipan uh a, ahi zongin galkap kumpi khutsung ah nawngkaina om ahih manin, 2010 kumciang in a Company uh khawlkik uhhi.

2013 kumciang in khatvei honglutkik leuleu uh a, Kawlgam sungah Car Factory neihsun khatbekbek hong hipah hi. Kawlgam ah aomsa Suzuki Company panin khakhat in Mini Truck 150 bang bawlkhia thei uh cihi. ZD Sawltak