Kawlgam abuaisak dingin alutsawm Pakistan migilo khatin Photo kikhahkhia
Pakistan gammi khatin Kawlgam ah gitloh ngongtat dingin lutcih thukiza cihi. Tua Pakistan pa ii Photo zong Myanmar Police te mipi te akidoptheih nadingin September 11 ni in khahkhia uh cih Eleven pan kiza hi. Atung a Photo pen tua Pakistan migilo Terrorist pa ii Photo ahihi.
Hihvai tawh kisai in Kawlgam ah Pakistan panin migilo Terrorist honglut takpi ahiam ci’n akidot ciangin Myanmar Police Officer khatin “aman taktak ahileh hilo cihpen gendingbel hamsa, ahi zongin tuabangin agamtatsawm om cih thukiza hi.
Tua ahih manin kidopkhol vallo ahih manin, tua pa ii photo pen aki hawmkhia hi. Yangon Airport, Mandalay Airport, tuilam panin luttheihna Sea Port te banah Shan State, Tachileik cihte akipan Myanmar gamsung hongluttheih nadingin aki ummawh Entry Point aom Police te kiangah kizasak kawikawi hi. Amahbek hilo, adang mikhatzong kihel behlai hi ci’n tua Police Officer in genkhia hi.
Tuabang in Myanmar gamsung hong nawngkai sakding in akithawi Pakistan gammipa pen galkaplui khat cihi. Tuabang in agamtatsawmna thupen kumpi thunei Department tuamtuam ah akipuak laipen Facebook Social Media tungahzong ki thehzak cihi.
Tua a ngongtatsawmpa pen Kawlgam sungah September 9, 10, 11 sungteng in gampua pan honglutsawm ci a, tua Pakistan gammipa ii aminpen aki kanciansan laitak kici hi. Yangon, Mandalay leh Mawlamyine cih khuapi te ah ama kithuahpihding ami te omkhin cihi. Tuate tawh kipawl in Kawlgam sungah puakkham sakding geelna nei uh cihi.
Tuahang in Yangon International Airport bekthamlo, Kawlgamsung Airport tuamtuam, Sea Port cihte banah Myanmar tawh gamgi luttheihna munte ah tuapa ii Photo pen aki zasak kawikawi cihi.
Related: Yangon khuasung atai YBS Bus sungah Passenger khat asisa in kimu
September 11 ni pen US gamsung ah migilo te ngongtatni ahih mahbang in, tuani tawh kituak in Kawlgam ahzong ngongtatding cihkhawng Facebook Messenger panin thuthang ki khahsawn hi. Ahi zongin zanni September 11 ni in Kawlgam ah bangmah buaina omlo photphot ahih main, lungnop huai zawdeuh hi. Sawltak #zomidaily
Comment piaknop aomleh...