Kaphawkpak khuanung thu tawm ~ Lengtong Pauno

Kaphawkpak khuanung thu tawm ~ Lengtong Pauno

2000 July 16 ni in nuailamtawn in, Malaysia, KL katung hi. Tualai in, Dr Mahathi Mohamed PM hi a, Datuk Seri Najib pen Defence Minister ahi hi.

Sabah, Sarawak tawh simin State 11 leh Federal Territory 2 (KL leh Labuan) nei uhi. KL pen Selangor state laizang (atuiciik) ah a om hi. Labuan Island pen Pearl (ပုလဲ) keptangmanpha lakna phualpi ahi hi.

2004 beikuanlamin BN pupi Mahathi pen aterm beima in anasep tawlnga a, Badawi in PM len hi. Live in hong kikhaha Parliament sunga miteng kap ngeiingaii uhi. Mahathi it mahmah uh ai’ve maw… kaci hi. Tualai in kum 77 pha hi, kici hi.

Tua hunlai in 1980 kumlai KL khuasung TV ah hong kikhah zela, gua, sing, nahteh nahpaa cipeek inn tamlai mawk hi. 2004 ciangciang, lampigei Phone khuamte hoih sitset lai hi. Mahathi khutma khema leh akhuakkhaap in, kum 20 sung bekbek a hizahta khangtosak mawk, hampha sam ei’ maw… pumpheeng minamte… 🙂 Keibel 2005 January khasungin ciah ing. Tuzan… Vote result ka etet leh, kaphawkpakteng hi. Ka lungdam, Munkhai’pa

NUAM ASA MAHMAH IHIH GIGELAM NANGAWN ATEL LO TE IHI LIANG HI

*Ikamvangin, nuamkei nuamkei utnawnkeng icici pongmawka, kuama khohloh, kuama nawhkhiat zawhlohte ihi gige hi.

*Lauhuailua mahmah, vakngamhuai vetkei icici pongmawka, zankim zankhanga zukhamsa a avakvak te ihi gige hi.

*Topa ei’lamah hongom leh, ei’langah kua hong pangzo ding ici a, zankim zankhanga Topa minphat kikhop zong thukhat cini, minam leh upna kibanglo, veenglepaam kuamah awlmawh neilo, tepeuh ihi gige mawk hi.

*Igam ilei, ikhua itui (Myanmar)ahzong, tu a i omdan peuhmah tawh i omthei hetkei ding hi. I omnagam kumpite thudik mahmah uhi. Hong khual, hong hehpih mahmah uhi. Thungetsak sakni.

NISIM NAISIM

Tate’ adingin, kumkhat khatveita nutepate’ni hi a, nulepa’ adingin bel, atawntung tawntungin, tate’ni, tate’nai ahi hi.

TIMFAWNG CIAMNUIH

Ipu ipate zong, kumsim, khuadoni zingsang siala, azingmai uh aphiat mah bangua, tulai khangthakte’nzong, kumkhat khatveita, anulepa ciat uh, phawk buangsam uh e. Ka lungdam, Munkhai’pa