Kampau Ki Dawm Ni

Zomite ki zopna ki pawlna ah Zomi vai leh Zomi deihna vai tangkoko na
pen ihihna a gen hilel ihih manin ahi ding mah hi. Ih hihna lo pipi mi
lak ah ih gengen pen khautawh hong khih unla na utna peuh vuah hong
khai un cihna ahihi. Tua bang mite pen apai khial ki ci ahih manin ki
sawh khakloh ding thupi hi.

Cikha khua te khat Tongzang khua ah vapai henla no Tonzang khuate
kuamah in hong phawk kha kei in Cikha khua kici vet un. Na ki cih kei
uhleh Kawlgam ah inn mun leitang leithei lo ding cih zuau thutawh ki
tangpil sak in na tangko leh Tonzang khua miten ahai ahia cih san lel
ding hi. Cikha mipa ngaihsutna ah ka ngawng ah khau tawh hong khih
unla na utna peuh vuah hong khai un aci tawh ki bang lel hi.

Zomi cihna sungah adang khat peuh a deih khat hong pai henla Zomi ki
cidah ni Kawl kumpi code hong piak bangbang cih suk ding hilel ee…
cih thu Zomi a sang theilo khat in Zomi a sang theite kiangah hong ci
hileh Zomi ten ahai hilel ee, a telloh man hilel ee ki ci ding hi. A
hi zongin a sang theilo pa in khau tawh ka gawng ah hong khih unla na
utna vuah hong khai un a cihna hi thei hi.

Zomi a sang theilo khat Zomi sungah a dang min vai tangkoko na pen
haina leh thu muhlohna hi aa, Zomi a sang theilo honpi ahzong eitethawntuang
Zomi va cih leuleu zong ki samlo hi. Tua ahih manin Zomite ki zopna,
ki pawlna khat peuhpeuh ah Zomi min a deihlo te in kamtam paulo in ki
zom nawn kei pah henla, Zomi ten zong a deihlo te kiangah a deihna
ding thu tangko luat kul ka sa kei hi.

Kei mimal ngaihsutna pak tawh…

Thawn Tuang
Zomi Angvaan
www.zomi-angvaan.blogspot.com
www.facebook.com/thangthawntuangguite