Kalaymyo sung a Misat, Phone la, Migilote vai ZYA pan Tangkona

Kalaymyo sung a Misat, Phone la, Migilote vai ZYA pan Tangkona

A tunga Thulu tawh kizui in Kalaymyo sung tunai teng in lampi a pai mi deksat phone laksak a langmahmah tawh kisai in tuni Meeting nasiatak in kinei hi. Hih vaitawh kisai pen Palikte tawh kithuah loh phamawh ahih manin Palik zum ah huhna kingen a Sakhanmu Tet Naing Oo hong paipah in nasep ziading hoihtak kikupna kinei thei hi.

Sep zia ding
1. Nitak 9:00 PM pan kipan a vengveng ah ZYA makai in Palik, Hausa le မီးသတ္ tawh kithuah in avak khempeuh ban sit ding

2. Kalaymyo Sung Pawlpi kim ah Kidop huaizia zong ZYA pan Lai kikhak ding.

3. A vengveng ah khangno tha kisam mahmah ding ahih manin akipiakhia zo khangnote tawh kisem khawm ding hi.

4. Thu thak khat peuhpeuh kohnopna/ kipiak khiat nopna i neih le

• Pa Vungh Za Khup (Convener) ‎09400307712
• Pa En Khan Go – ‭09400307957‬
• Pa Ngul Do Tuang – ‭09763912900‬ tetung kiko thei ding hi.

ZYA Myanmar
Jan 24, 2018

Dahpihna

ZYA Myanmar Founder President ahi Pa Ngul Do Tuang in pu Pu Kim in Kalaymyo a migilo te satna tawh Mandalay zato a kipuak pen hoih zo tuanlo in tuni Jan 21, 2018 (Sunday) 2:00 pm pawlin i pa Pasian kiang ah hong zuatsan ahih manin ZYA Myanmar Headquarter pan dahpih mahmah na kong pulak uh hi.

Behlap na: Tahan, RTC, Leipi, Lansong Amun laih kawikawi Motor Cycle tawh mi 3 kiten Lampi a phone tawh mipai amuh uh le a dek sak aphone laksak taisan hiden kibeng zo nai mahmah lo.

ZYA Myanmar
Jan 21, 2018