EU gam (Uzawpah) ah lamdang kasak deuh te

EU gam (Uzawpah) ah lamdang kasak deuh te

1. Kumpi a sem Numei tam hi.

2. Nasep nei lo te, naupang te, naupaii te leh mipoi ten khasum sang uh hi.

3. Naungek te kha 6 a phak ciang in sangkah sak uh a zingsang nai 9 pan nitak nai 3 dong kah uhhi. Sangkah lo in kua mah om thei lo uhhi.

4. Sangkah khempeuh Kumpi- in khasum pia in sangkah na khempeuh a mawk na a hihi.

4. Setbing ki lim zat mahmah hi.

5. Huihpan in meila uh a, huihpangka tam mah2 hi. A bawl masa te zong Eu te hi pah hi.

6. Lopa ( kiat), lim ciin mah2 uhhi. Sum zon na in ei uhhi. Zuak uhhi.

7. Khial ing ( sorry) cih ki ngah lo hi.

8. Mikhem peuh in bawlung suih uukciat uhhi.

9. Christian lo a dangte in Biakinn lam theilo uhhi. A inn bek vuah a pasian uh bia thei hi.

10. Topa Zeisu suah ni, sihni, vankah ni leh pesticost ni te ah zum leh sai teng khak uh a, Topa Zeisu a sihpan in khasiang tho hongpai (penticost) dong zong zumkhak lai uhhi.

11. Kumpi zumpi te ah thu a khen uh ciang in lstho sim in khen uhhi.

12. Bear ( Bia) pen nak dawn mah2 uhhi.

13. Zatep nang innkim ah a khan ( room) tuam koih teitei uhhi.

15. Tax ( a khawn) pen 40% ki pia hi. Tampeuh mah cih ding hi.

16. Pi tek pu tek kepman kumpi-in a vek in tavuan la hi.

17. Kum khat in khat vei zantom mah2 a, zan hun pen nai 4 bek sawt hi. Nitak zan 10:30 in nitum in, 11 in khua mial a, zingsang nai 3 in khua vak hi. Vasa te leh ganhing ten zong ih mut khamlo uhhi. Sun sawt (Norway gam bang ni a tum loh hun om lai hi).

18. Phalbi ciang in zansawt mah2 hi. Nitak nai 3 in khuamail a, zingsang nai 9 ciang in nisuak pan hi.

19. Mite a mau hihna tawh ki sam theilo, a minpi tek uh tawh ki sam uhhi. Siavuan, boss, siapa, sianu, Rev, Pastor, Manager cih te tawh sap deih vetlo uh a; sam kha leng heh cihtak in heh uhhi.

20. Tembaw leh vanleng mimal in a nei tam peuh mah uh a, tua a nei te pen lokho mite tamzaw hi.

21. Tan 1 pan College sangnau pang khat in kumkhat in laibu bu 50 sim teitei uhhi.

22. Biak inn ah 1/10 hoih a khia te kumpi in kumtawp ciang sumpia kik hi.

23. Misi a pua mawtaw a tuam in ki bawl giat hi. Zato mawtaw te in pua thei lo hi.

24. Misi pen a vuiding Pastor/Upa te a ki man hun ciang in misi ki vui pan hi. Sawt pipi zong ki koih theih hi.

25. Misi han peng pakhuan bang in bawl uhhi. Pak te pak zihziah in hoih mah2 hi.

26. Mi khempeuh in lai sim cih tak in sim uhhi. Pilna thupi sak mah2 uhhi.

27. Biakinn tampi tak piahtaih suak ta hi. Kua mah ki khawm nawn lo. Biak inn hawm tam hi.

28. Ta te vai pen numei in tavuan la in naupang te sum zong a nu ban sung ah lut sak uhhi.

29. Ki mawl tawh kisai sang inn ah laisin (subject) khat in la uh a, tuibual/ tuipek zong ki hel hi.

30. Palik leh Galkap ki mu vet lo mawk hi.

31. Khuazong vot mah2 in, khasiangtho zong dai mah2 in, mi te sang in vasa te ngamlum zaw uhhi.

32. Naipen a mai ah a pai ciangin nai 7 mai pai in a nungkik ciang zong nai 9 nungkik leuleu hi.

33. Pitek leh Putek ki kep na tam mah2 hi. Kum 50 nuai lam a si mi tawm mah2 uhhi.

34. Meileng, Tembaw leh vangleng te nopzat mah2 uh a, Meileng te that 2 tam mah2 hi. Khuasung ah setbing ki nakzat leuleu hi.

35. College or University pan BA or buaih khat peuh2 na ngah leh pawlpi sung ah Pastor or Biakna sia sem thei hi teh. A mau a sang te vuah Theology sin ciat uh a hihman in lstho sang pen EU gam ah om khol lo hi.

36. Switzerland pen leitung bup zumkhempeuh om na hi na pin a mau lai nei lo uhhi. Germany pau lai Spain, Italy Piantit cih khawng lai in zang uhhi.

37. EU sum pen leitung ah a sang 2 na hi a gam 12 in zang uhhi. England sum sangpen hi.

38. Switzerland gam pen mi 7 in uk uh a, leitung ah a mau bek a om a hihi. A sum uh pen leitung bup ah a lian 4 na a hihi.

39. Gamkhang to mah2 hi napin Zun le Ek thak ding pen ban card or sum tang ki sam hi. Sum lo tawh ekbuk ki pai thei lo hi.

40. Sangnau pang te kum 1 khatvei mundang ah lihlazi pai in zangiak uhhi.

41. Sangnau pangte homework pen manmaw/manlo cih sitgeilo

42. Switzerland te in Galkap nei lo uhhi.

43. Norway, Sweden, Finland leh Germany te ah gamdang sangnau pang te sangsap ki pia nawn lo hi. A hih hang a mau ngampau leh a mau lai thei te bek hi.

44. Schengen Visa na ngah leh Eu gam 26 ki pai thei hi. ( uzawpah) UK leh Russia gam lo teng hi pah hi.

45. Eu gam ah tanglai thupiang, galpi masa, nihna leh Judah te ki bawlsiat na, Christian Biak Inn kum 1000 val cih te et ding tam peuh mah hi. Et kawi2 ding tam mah2 hi.

46. Atlantic tupi pi leh tuipi tuam2 tungah sumbawl sumzuak sumleina hi a, tembaw tawh ki nakzin mah2 hi. Titanic tembaw sangin a lianzaw leh a hoihzaw zong tampi tak om hi.

47. Spain, Germany, Italy leh Piantit pau khat tei2 siam a lai uh na gelh theih leh Eu gam ah nuamtak in sumbei lo in sangna kah thei dinga, oltak in nasep zong na mu ding hi.

More: New Zealand gamah ka muhthu te leh lamdang ka sakte

48. Sweden gam ah Microchip/666 pen meileng, vanleng, ziipai na te ah ki nakzat mah2 hi. Sumbawm, ATM cards leh ID te puakkul nawn lo hi. Leitungbup ah 666/Microchip tawh sum lei sumzuak a nakzat pen Sweden te a hi uhhi.

A ban dam in hongzom kik ning, Topa aw lungdam lua ing, Khasiangtho aw nongton pih na te lamdang lua sa ing; hi ciang tungding ki sa keng Pasian aw..

Hih thu te leh thu tuam2 na theih nop leh hongsam thei hi teh, Pawlpi, ki pawlna, mimal innkuan in zong hongsam le uh cin note a ding Khalam leitung lamah phattuam na leh pilna nangah beh ding hi cih hongzasak ing. Joseph Pau Ngaihte