Malaysia, Kajang vengsung aom Hotel khatah Myanmar pasal khatin numeikhat dawtlum

Malaysia, Kajang vengsung aom Hotel khatah Myanmar pasal khatin numeikhat dawtlum

Malaysia, Kajang vengsung aom Hotel sung khatah pasal khatin numeikhat dawtlum a, tuapa pen Myanmar gammi pasal khat cih theStar pan kiza hi.

Hihvai tawh kisai in palik thunei ahi Kajang OCPD Asst Comm Ahmad Dzaffir Mohd Yussof in agenkhiatna ah Kajang vengsung aom Hotel Room inndeisung khatah Thursday ni in numeikhat asisa in kimu cihi.

Tua numeinu ii aluanghawm pen sisan tawh kidiah pikpek in kimukhia a, agil, a awmsung leh ataklam khutte temtawh akidawtgawp ki mukhia hi.

Tua aluanghawm geiahzong aki dawtlupna in akizang hidingin aki ummawh temta “kitchen knife” khatzong ki mukhia hi.

Athu hoihtak akikan ciangin tua midawtlumpa pen tua hotel ah abeisa Tuesday ni akipan zintungkhin ahihlam ki theikhia hi. Tuaciangin Kajang CID panin Police te’n Hotel geinaiteng zongkawikawi uhhi.

Anunung ah tua mithat Myanmar gammipa pen Hotel ii atungdawn Signboard nungah akibucip in aom ahihlam Police te’n mukhia uhhi.

Kajang Fire and Rescue Department te panpihna tawh tua inndawn Signboard nungah akibucip mithatpa pen ki pikhia in, Police te’n mansuakpah uhhi.

NST te genkhiatna ah tua numeinu ii aluanghawm pen zanlam 10:55pm hunpawl in akimukhia hi a, Hotel inndeisung aom lupna tungah amailam khuplupsa in asi cihi. Tua numeinu adawtlumpa pen azingciang zingsangtunglam 2:30am hunin inntung Signboard nungpan in akimankhia cih kiza hi.

More: Myanmar, Tanintharyi khuapi Myeik leh Bangkok kikal Direct vanleng kilengsak tading

Tua Myanmar gammipa pen “Section 302 of the Penal Code” thukhun tawh thu kibawlding cih kiza a, ahi zongin ni 7 sung Remand tawh ki kemcip photding hi. Tuaban ah hihpa ii Immigration Status zong bangci omhiam, Malaysia gamsung ah illegal tawh aguk omhiam, Permit aneihiam cih ki kancianding cih kiza hi. Amin apuampen ki pulakkhialo hi, atheikha aomleh Comment panin ki Update ni. Sawltak #zomidaily