Kah Lei ~ Peter Suumpi

Kah Lei ~ Peter Suumpi

Dawl (80) a sang inn khan sung ah a teng U nau nih te khual zin na pan hong ciah uh hi. A khan uh pai ding in set kah lei(dat lay khar) lam a zuat uh leh up mawh loh in lai ki suang khat a mu uh hi. “Mei pai lo”. A van teng uh nawn in dawl 80 a sang a khang uh a kah toh kei uh leh a mau aa ding tel ding dang a om kei hi. A mau gel zong kah lei zui in dawl khat khit dawl khat kah hong ki pan ta uh hi.

Dawl 20 na a hong tun uh ciang in a u zaw pa’n “Ih van te gik lua in pawl khat hi lai ah nusia ni in mei hong pai ciang set kah lei tawh nawn kik ni”ci in a sang gam pa hong han tawn hi. A van pawl khat pen tua lai ah hong nusia in tang zang tak in hong kah to lai uh hi. A nih un nuam tak, tang zang tak in dawl 40 hong tung to uh hi. A gim mah mah uh hi. A kah na ding uh a lang ciang bek a tung pan a hih man in a nih un a a heh uh suak in “nang hang hi.. van hi zah zah tawh kah to se dah lel leng hi zah aa gim lo ding hi ve hang…..”ci in ki phun san kawm kawm in hong kah to suak uh hi.

Dawl 60 hong tun uh ciang in a ki siat siat ,a ki ngawh ngawh na ding uh tha zong a nei mawn kei uh hi.A nau in “khat le khat ih ki siat siat hang a mawk na hi, tung ding hi ta hang kah to suak vet ni.”ci in hong han tawn hi.

A nih un pau lo phun lo in hang kah to suak uh hi. A tawp na ah a dawl 80 na hong tung to ta uh hi. A lung uh dam lua in a bang kua mai uh ah a diang keei uh hi. Inn sung lut ding a cih uh leh a inn tawh uh dawl 20 na aa a nusiat uh a van sung ah a nusiat khak lam uh hong phawk kha uh hi.

Kum 20 ka phak lai in nu le pa, sia te ii lam et na nuai ah ka khang khia hi. Nu le pa, sia te in hong lam et bang in kei zong lam et na pawl khat tawh ka kal suan hi. A hi zong ngek lai lua ka hi na le ka pi cin loh na hang in lam et na lianpi te nuai ah ka khe te tal in ka ki hawi hi.

Kun 20 khit ciang in nulepa te hong lam et na pan pial khia in kei ma ngaih sut ka sun mang te ka tang tung sak nuam hi. A hi zong in kum 20 sung teng kei ngaih sut bang in nung ta in nuam ka sa mah mah hi. Ka kum kum 40 hong tun ciang in ka kum in a piak nawn loh lam ka ki phawk kha ta hi. Ka sep khak loh na hoih te le ka sep khak a hoih lo na te hang in ka ki sik mah mah hi. Tua bang teng tawh kum 20 sung bang kei le kei ki mawh sak na tawh ka kha siat na tawh kum hong bei bei ta hi.

Kum 60 ka tun ciang in ka nun tak ding kum tam a om nawn loh lam ka phawk hi. Ka ki mawh sak sak hang in a mawh a hih lam ka ki thei hi. A om lai ka mai lam hun te lung nuam tak in ka bei sak nuam ta hi.

Kum 80 ka tun ciang in ka khang no lai in na khat peuh peuh ka ma ka tut dong ka sep loh lam ka ki phawk hi. Tua ka sep khak loh na pen a ka khang no lai kum 20 ka phak hun lai in nusia in ka ma ka tut dong ka sep tentan loh pen ka ki sik kik pen pen ahi hi. Peter Suumpi Ref: Internet