Malaysia, Johor ah damiah in aki ummawhkhat palik te’n kaplum

Malaysia, Johor ah damiah in aki ummawhkhat palik te’n kaplum

Malaysia, Johor Baru ah Bank damaih ataih hiding in aki ummawh pasal khat kikaplum cih NST pan kiza hi. Tua aki kaplumpa pen gamdangmi “Foreigner” khat kici a, Bandar Dato Onn, Jalan Dato Onn Utama ah zanni zanlamin Police te’n akaplup uh ahihi.

Hihvai tawh kisai in Johor Deputy Police Chief, Datuk Mohd Kamarudin Md Din in agenna ah zanni nitaklam 10:50pm hunpawl in thupiang cihi.

Police Team ahi “Bukit Aman Special Task Force On Organised Crime (STAFOC)” leh Johor Contingent Police Headquarters panin “Serious Crime Unit (D9)” te’n muanmawhhuai pasal khat amawtaw nungah sulzuihzuih uh cihi.

Bandar Dato Onn atun uhciangin Police te’n tuapa pen amawtaw akhawlsak nadingin thupia uhhi. Tuaciangin tuapa in Police mawtaw nawkpheisak in, tuaban ah thautawh Police te tamveipi kapmasa in, taikhiatsawm hi.

Video: Suspected bank robber shot dead upon leaving bank

Tuaciangin Police te’nzong tuapa pen thautawh lehkapkik uh a, tuaphual mahah kaptuk in sipah cihi.

Tuapa aki kaplupna mawtaw sungah Police te’n tuapazat .38 Revolver thaukhat mukhia uhhi.

Hihpa pen hiamtawi, thautawi in damiah ataih kawikawi tetawh akipawl hiding kici a, Police te’n athu akician in akansan laitak uh ahihi.

More: Malaysia, Kota Damansara suangmanpha zuakna ah damiah lutin RM1.1 Million manneiding puakhia

Hih aki kaplumpa pen kum 40 gualpawl hi a, Johor, Melaka leh adang mundang State tuamtuam ah nungkum akipan thautawi in damiah ataih kawikawite lakah hihpazong kihelding in ki ummawh hi. Sawltak #zomidaily