Indonesia International Airport geikhat ah mawtaw pailaikhat lei in vukkha in ahawlnu si

Indonesia International Airport geikhat ah mawtaw pailaikhat lei in vukkha in ahawlnu si

Indonesia, Banten Province sung aom “Soekarno Hatta International Airport” gei ah numeikhat mawtaw hawlkawm in anawklaitak lei kicim in vukkha citciat hi. Tua numeinu minpen Dianti Dyah Ayu Putri kici a, zato ah akibawl hangin siveve cih Jakarta Post pan kiza hi.

Indonesia gamsung ah nungsungteng guahtui tammahmah in, tuicin tungkawikawi hi. Hih mencim zong guahtui tamluatna hangin acim ahihi.

Hih mencipna munpen Airport gei, Underpass khenkhitlian ahihi. Mawtaw sungah numeinu leh alawmte khat atuangkhawm uh hi a, Monday nitaklam in mencim “landslide” in avuknelhkha ahihi.

Aki vuknelhcipzawh nai 9 khitkhawng ciangin tua numeinu leh alawm atuanpih pen kihonkhia theipan cimawk hi. Tua aki hotkhiatkhit ciangin Mayapada Hospital ah kipuakpah in Emergency Treatment kibawl himahleh Tuesday 6:45am hunpawl in siveve hi.

Asi numeinu pen mawtaw ahawl hi a, alawm Mukhmainah kici penzong liam ahih manin Siloam Hospital ah zato kilumsak hi.

National Disaster Mitigation Agency (BNPB) inzong hih tuahsiatna hangin hongnusia Dianti Dyah Ayu Putri hangin kadah mahmah uhhi ci’n Tuesday ni in pulakkhia hi.

More: Indonesia ah Security Force alutnuam numeite Virginity Test kibawlsak sese

Hih asi numeinu leh alawmnu pen “PT Garuda Maintenance Facility (GMF) AeroAsia” te kiangah anih un nasem uh ahihi. A nasepna uhpen Garuda Indonesia akici Indoensia National Airline tawh akizom ahihi. Sawltak #zomidaily