Jesu bek mitsuan ni

Jesu bek mitsuan ni

Peter in, Jesu bek mitsuan in a neih lai teng tui tungah paithei liitliit lel a, a kiim leh paam a, huihpi tuihual kilokte a mitsuan khak phet-in tui tungah pai thei nawnlo bek tham loin tui sungah tumsuk pah ciaiciai lel hi.

Jesu bek i mitsuan lai teng,hong thahatsakpa Khris hangin na khempeuh ihih thei-a, Jesu mitsuan loin leitungnate i mitsuan khak ciangin, lauhuaina leh guallelhna sungah a tumsuk hiaihiai ihi ta hi.

Bangzah takin amah mangngilh in taisan mah ta le’ng, hong pampaih ngei lo a, kisikkikna takpi tawh amah kiang i zuat nak leh hong maisak den in, hong huh in ci-a, ama kiang i nai nak leh ei kiangah hong nai-in, hun lap takin hong honkhia, JESU bek i mitsuan gige ding hi. Amen.

Khazih sungah,
David Tuang