Japan ah mawtaw khat lengzeza in Bus khat aphutlian laitak Video kizaihkha

Japan ah mawtaw khat lengzeza in Bus khat aphutlian laitak Video kizaihkha

Japan gamsung ah mawtaw khat lamzikpi tungah ahattai mahmah laitak in lamzikpi alanglam ah lengkhiasuak zeza in Tourist Bus khat nawkkha cih Mainichi News pan kiza hi. Tourist Bus ii Dashcam panin hih tuahsiatna apian laitak Video Record kibawlkha citciat a, lauhuai mahmah hi.

Japan gamsung Tomei Expressway kici lamzikpi tungah atuahsia kici hi. Video sungpan aki etkik ciangin mawtawneu khat Tourist Bus ii alanglam pan hongtai in, lamzikpi akikal dalna Safety Barrier te tungah honglengto veva in, Tourist Bus phuzai mawk hi.

Tua mawtawneu ahawl pen pasalkhat hi a, tuahsiatna aphual mahah sisuakpah cihi. Tuaban ah Tourist Bus sungah atuangte zong Passenger mi 20 bang liam uh cihi. Tourist Bus sungpan asibel omsamlo hi.

More: Japan vukkhalmual kicipna hangin sangnaupang 8 si, 6 liam, 3 mangcip ~ ZD

Tourist Bus sungah akigawm in khualzin mi 40 bang atuang uh ahihi. Yamanashi Prefecture sung aom Cherry gah lawhna ah a ending leh aciamding in nikhat hunnuam zangding in Tourist mi 40 bang azinkhia uh hi a, lamkal ah mawtaw khatin lengzeza in Tourist Bus ii amailam taihzansak citciat hi.

Hih tuahsiatna pen Saturday ni Japan Local Time 7:30am hunpawl ahihi. Sawltak #zomidaily