Japan ah khuapi laizang lamzikpi khat anuai ah cimsuk

Japan ah khuapi laizang lamzikpi khat anuai ah cimsuk

Japan gam, Fukuoka khuapisung aom lampikhat anuai ah cimsukvat in kuahengpi suakkhia henghang cih Japan Times pan kizasawn hi. Hih lampi akicip pen tuni Tuesday (November 08) ni zingsanglam hi a, Japan gamsung Kyushu Island tung aom Fukuoka khuapi laizang Downtown sungah ahihi.

Local Media te genkhiatna ah hih lamzikpi akicipna munpen mi atamphadiakna mun ahi Hakata gei hi a, zingsang 5:15am hunin akicip hi ci’n genkhia uhhi.

Hih lampi kicipna hangin aliam abai bel kuamah kizalo hi.

Japan Times te genkhiatna ah hih lampi akicipna munpen Fukuoka City aom leinuai ah atai Subway System aki lamthakbehna munteng hi ci’n genkhia hi. Subway System akekbehna ah Construction nasepna panin anuai ah akiasuk ahihi.

Zingsang 9am hunpawl ciangin lampi acipna pen 20m sungbang zaita a, Photo sungah aki suahsakna ah lamzikpi ii phengpikhat akiasuk tawh kibang hi.

Hih buaina hangin meitha Electric zong kisia ahih manin inn 800 val in buailawhman uh himahleh asawtlo in Electric ki ngahkikpahsam cih kiza hi.

Malaysia ahzong Times Square sakdiak aom Jalan Pudu ah Underground System abawllai un kicisak ngei uhhi. ZD Sawltak #zomidaily Photo credit: Japan Times