Itkhat ngaihkhat naneih ciangin…

Itkhat ngaihkhat naneih ciangin…
(When You Love Someone – Bryan Adams)

• It khat ngaih khat na neih ciangin,
• Tua na it na ngaihnu (pa) ading hipeuh leh,
• Kam tawh gen zawh loh a haihuai na khat peuh na sem ngam a,
• Hithei hileh vana aksi tang silsialte laksak in,
• Sunni tang zong na liapsak ngam ding hi.

• Zuauthu zong thumaan in sangin,
• thumaan thutak zong na langpan ngam ding hi.
• Khatveivei vasate banga khanei na kisa dinga,
• mual zatam hal a om na ngaihno siangah na khawl nuam ding hi.

• A leng thei takpi peuh na kisak khak zawzen hun hong tung ding hi.
• It khat ngaih khat na neih ciangin hi thu ciamteh in,
• na nuntakna sungah mihing khatbek a kicinlah zia na tel dinga,
• sunlezan lunglenga na khuadak dak hun kipan ta cihna hi.
• Tua itna ngaihna pen na lungsim tawngpa’n hong suakkhia hi a,
• nial nuam ta lecin na nial zo kei hi.

• Kuamah bangmah in na lungsim hong khelsak zo lo ding hi.
• Tua na it na ngaihnu(pa) ading hipeuh leh na neih khempeuh,
• ngaihsut kik om lo in na pe ngam dinga,
• Mailam ah bangbang a piang zong phamawh kei ciin
• amah na ngah theihna ding lampi hipeuh leh,
• lampi a kici khempeuh tot ngamlah na nei kei ding hi.

Translated by
Francis Lamthang

Hihpen a maan takpi hiam ken tel zo keng, maan ka sakna mun om napi’n ka sanzawh lohna mun zong om veve 🙂