Italy gamsung ah innkhat kicim in mi 8 in sihlawh
Southern Italy, Naples City huamsung aom Apartment Building khat kicim ahih manin mi 8 in sihlawh cih Reuters te’n Saturday ni in genkhia uhhi. Fire Brigade Spokesman khatin agenkhiatna ah Rescue Team te’n zanthapai in innkicim ninkawmlak tengah kizong ngekngek in tualakpan misi luang 8 aki mukhia cihi.
Apartment Building akicim pen Torre Annunziata Town sung aom hi a, 1950s kumpawl in akilam khat ahihi. Tuipilam maingak in akilam, inndawl 4 apha khat hi a, innpi akicip ahunlian pen Friday zingsang 6:20am in akicim hi ci’n thunei te’n genkhia uhhi.
Friday ni in Rescue Workers te’n mi 8 kimu khiazolo, mangthangcip uhhi ci’n agenkhiat uh ahihi.
Video: Eight bodies found under collapsed building in Italy
National Fire Brigade Spokesman Luca Cari in agenkhiatna ah amangcip mi 8 te kimu khiata in, ahi zongin anungta kuamah omlo uh cihi. Avek in asisa in innkicim ninkawmlak panin aki mukhia cihi.
Asi mi 8 te lakah unau pasal kum 8 leh kum 14 aphapan tezong kihel uh cihi.
Related: Italy gamah numei te khasim anin paiciang ni 3 sung “Menstrual Leave” kipiading
Local Prosecutors te’n hih inncipna ahang taktakpen hoihtak in kancian laiding uh cih kiza hi. Sawltak #zomidaily
Comment piaknop aomleh...