It dinga kilawm bek hi loin, it loh a phamawh Pate

It dinga kilawm bek hi loin, it loh a phamawh Pate

• Pate’ hong itna pen, i gengen zongin bei thei lo dinga, lai-in i gelhgelh zongin kigelh khin zo lo ding hi. Simlei tungah tehpih theih ding a om lo itna khat in, Pate’ hong itna ahi hi.

• Pate’ hong itna pen, khuamial sunga kivaak meivak tawh kibanga, tate’ nuntakna-ah lampi maan hong lakin, i lampi-ah khuavak hong taan’ hi.

• Pate’ hong itna in, a kangh ngei lo ciktui tawh kibang a, tate’ lungsim leh pumpi hong nosuak sakin, hong thaksuak sak tawntung hi.

• Pate’ hong itna pen, a thahat mahmah galhangpa’ thaltang bangin khauh in, muibun a, tate’ adingin mavanna, daupaina, thahatna leh gualzawhna cihte i ngah theih nadingin ma hong phutsak hi.

Tua ahih manin Pate pen, “It dinga kilawm bek hi loin, it loh a phamawh Pate,” ahi uh hi.

Khazih sungah,
David Tuang