Israel ah gamkang hangin mi tulsawm tampi taita

Israel ah gamkang hangin mi tulsawm tampi taita

Nov. 25, 2016: West Bank sunga om Haifa khua leilu lamah gamkang nasia takin omna hangin mi 80,000 val in inn leh lo nusia in taikeek ta uh hi. Israel Prime Minister Benjamin Netanyahu in hih bang gamkatna ding a piangsakte tungah thu kikkhen ding a, gamkat manin a taite inn a kibuhsak leh terrorism gamtatna bangin kingaihsun ding hi hi ci-in pulak hi.

Kha nih sung khuakheng (drought) omna hangin huih in gamkang nasiasak semsem a, mun tuamtuam lawh ta hi. Netanyahu in zan in gamkatna hangin mi kang zong om ta a, inn kibuhna pian’ ding kihtakhuai mahmah a, hih gamhalte daan kipia ding ci-in gen hi.

Hih gamkatna hangin Haifa khuapi meikhu in tuamcip ahih manin khuamite 80,000 tai khia ta uh a, inn tampi zong kangin kisia ta hi. Meiphelh (firefighters) ten mei phelh ding nasia takin hanciam uh a, ahih hangin gamkang in a nawk khak a nasiatna munte ah inn tampi kisia ta hi kici a, Haifa leh Tel Aviv khuapi kizopna main highway zong zan in tawl khat kikhakcip a, mei phelh dingin meiphelhte buai mahmah uh hi. Emergency galkap ten (personnels) ten Haifa panin piteek puteekte mun bitna munah hem khia uh hi.

Israel police ten gam hal dingin a upmawh uh Israeli Palestinian mi li man uh a, ahih hangin thukhen ten ngawhna kician muh ding om lo hi ci-in khah khia kik pah uh hi. Israeli police spokesman Micky Rosenfeld in Israeli police spokesman in hih meikang hong kipatna thu kikan lai a, report tam kingah mahmah ta a, tu lianin mei phelh ding tawh kibuaicip lai hi ci hi.

More: Malaysia ah papi khatin atanu buan in naupaai, kha 7 phakhin

Turkey kihel in gam tuamtuam ten hih gamkang hangin Israel tungah huhna piak uh hi. Hong tung ding nite ah huih hatzaw sem nung ding ci-in kigenkhol ahih manin lunghimawhhuai mahmah lai hi kici hi. Source: Al Jazeera News/ Thang Khan Lian