ISIS te mithahna Video sungah akidawkzelpa pen London pan nahimawk

ISIS te mithahna Video sungah akidawkzelpa pen London pan nahimawk

IS Militant te’n mi athahlupding uhciang in Video maiah apau luaklaukzel “Jihadi John” akicipa pen London pan nahimawk a, amintaktak pen Mohammed Emwazi cih BBC News in pulak khiata uhhi.

Nitumna gamlam te athahlupding uhciangin Video mai ah temta tawikawm in hongdawk theizelkhat hi a, amahleh amah pen “Jihadi John” cih min ki puasak hi. Amin taktakpen Mohammed Emwazi hizaw a, Kuwait gamsuak ahih hangin British gammi khat ahihi. Kum 20 gualpawl hipan a, West London ah aomngei, ateengngei khat ahihi.

Mohammed Emwazi kicipa pen British Security Services khawngahzong asemngei khat cisawnsawn a, British te thusimbel pawlkhat theigiugiau khangel dinghi.

Abeisa kumsung August khasung in American Journalist James Foley athahlupding, a ngawng atanding uhciang in Video sungah hihpa hongdawk masa hi.

Tuakhit ciangin US Journalist khatmah ahi Steven Sotloff a ngawng atanlupding uhciang inzong Video sungah hipamah hongdawk zel hi. Tuabek thamlo British Aid Worker David Haines, British Taxi Driver Alan Henning, American Aid Worker Abdul Rahman Kassig cihte zong aki thahding ciangin temta tawisa in apau luakluakzel pen hih London khuapi sungpan akhangkhiapa nahimawk hi.

Islamic State: ‘Jihadi John’ named as Mohammed Emwazi

Video sung akidawkkhakna te ah puantual avom silhden in, amai tuamcip a, amit leh anak bul tengbek kidawksak hi. Ahi zongin British awkaih (British Accent) tawh paukhiazel ahih manin, atung apak pekpan inzong thukante’n British te hiding ci’n a upmawhsa uh ahihi. ZD Sawltak #zomidaily