Innkuan mimal ki maingapna

Innkuan mimal ki maingapna

Innkuan mimal ki maingapna sungah simzawhloh dongin thupha leh hamphatna om hi. Kipumkhatna leh kipanpihna te kimaingapna in hongpia hi. Innkuan mimal ki maingapna dingin:

1. Pa in nu it ding hi. Nu in Pa zahtak limlim phot ding hi. Pasal in Zi thudong thei dingaa Zi inzong pasal thu mang limlim phot ding hi.

2. Nu leh Pa te ta te muhna ah kitawnglo ding hi. Khat omloh kal in khat in a tate kiangah ki gensia ngeilo ding hi.

3. Nu leh pa te khat peuhpeuh hawhna, vakna leh nasepna pan a hizongin a hehsa in innlam zuanlo ding hi. Hehmaisa in inn sunglutlo ding hi. Hehna leh vai senpi lohna te selsimphot ding hi. Tua in tate lungnuamsak hi.

4. Nau zaw te in U zaw te a neulaipek mah pan in U ci in samsak pah ding hi. Nu leh Pa mahin pattah ding hi. A liatkhit ciangin U aw, naw aw cihsansan ding haksa sa thei hi. U te U cihdinglah zongsangvet lo, cihloh dinglah hilo a hihmanin atawpna ah ‘ki hopih nawnlo’ thei hi.

5. Puan i leisak (na khatpeuhpeuh i piak) ciangin mikim a’ding leisak ding hi. Lei khat in i leizawh keileh ‘leikik ciang nang a’ding lei ding’ ci dingaa a kikciangin a kileisaklo mi a’ding tuamleisak takpi ding hi.

6. A hihtheih leh Birthday bawlsak ding kisam hi. Birthday cake sese kisam lo hi. I huan zel aktui bekzongh tawh a hihkeileh sweet khat peuhpeuh tawh zongh kibawl thei hi. A minvawh ding cihna hilel hi.

7. Inn sung tutkhopna munte ah ki ho tangtang ding hi. Nu leh a pa te in a kisapleh kampau panmasa ding hi. Camnuih zong khat veivei gending thupi mahmah hi.

8. TV bekbek en, thukizakna lai te bekbek sim in innkuanpih te tawh i ki hopih kei leh ki maingapna kiam semsem hi. A tawpna ah a ki itlo tawh kibang thei hi.

9. Nasep a tammahmah ta zongin, sangkah ding a sawngpai ding a thupi mahmah ta zongin innkuan annekkhop hun neizel ding hi. Kha khat ah khatvei peuhmah vaihawm hamtang ding hi. Annek laitak pen hoihlohna leh siamlohna te kithuhilhna mun in zangh khahetlo ding kisam hi.

10. Ki maingapna dingin maitaina thupi mahmah hi. Inn kuansungah khat leh khat ki maitai ding, nuihmai dingaa mawhna te kimaisak takpi ding hi. Tua in kimaingapna hongpia thei hi.

Ki maingapna a omlo innkuan pen bulum theilo a hihmanin ih innkuansung ciat ki it bek hilo in a mimal mahmah kimaingap ciat ni. Siamsin Library

Innkuan mimal ki maingapna sungah simzawhloh dongin thupha leh hamphatna om hi. Kipumkhatna leh kipanpihna te kimaingapna in hongpia hi. Innkuan mimal ki maingapna dingin:

1. Pa in nu it ding hi. Nu in Pa zahtak limlim phot ding hi. Pasal in Zi thudong thei dingaa Zi inzong pasal thu mang limlim phot ding hi.

2. Nu leh Pa te ta te muhna ah kitawnglo ding hi. Khat omloh kal in khat in a tate kiangah ki gensia ngeilo ding hi.

3. Nu leh pa te khat peuhpeuh hawhna, vakna leh nasepna pan a hizongin a hehsa in innlam zuanlo ding hi. Hehmaisa in inn sunglutlo ding hi. Hehna leh vai senpi lohna te selsimphot ding hi. Tua in tate lungnuamsak hi.

4. Nau zaw te in U zaw te a neulaipek mah pan in U ci in samsak pah ding hi. Nu leh Pa mahin pattah ding hi. A liatkhit ciangin U aw, naw aw cihsansan ding haksa sa thei hi. U te U cihdinglah zongsangvet lo, cihloh dinglah hilo a hihmanin atawpna ah ‘ki hopih nawnlo’ thei hi.

5. Puan i leisak (na khatpeuhpeuh i piak) ciangin mikim a’ding leisak ding hi. Lei khat in i leizawh keileh ‘leikik ciang nang a’ding lei ding’ ci dingaa a kikciangin a kileisaklo mi a’ding tuamleisak takpi ding hi.

6. A hihtheih leh Birthday bawlsak ding kisam hi. Birthday cake sese kisam lo hi. I huan zel aktui bekzongh tawh a hihkeileh sweet khat peuhpeuh tawh zongh kibawl thei hi. A minvawh ding cihna hilel hi.

7. Inn sung tutkhopna munte ah ki ho tangtang ding hi. Nu leh a pa te in a kisapleh kampau panmasa ding hi. Camnuih zong khat veivei gending thupi mahmah hi.

8. TV bekbek en, thukizakna lai te bekbek sim in innkuanpih te tawh i ki hopih kei leh ki maingapna kiam semsem hi. A tawpna ah a ki itlo tawh kibang thei hi.

9. Nasep a tammahmah ta zongin, sangkah ding a sawngpai ding a thupi mahmah ta zongin innkuan annekkhop hun neizel ding hi. Kha khat ah khatvei peuhmah vaihawm hamtang ding hi. Annek laitak pen hoihlohna leh siamlohna te kithuhilhna mun in zangh khahetlo ding kisam hi.

10. Ki maingapna dingin maitaina thupi mahmah hi. Inn kuansungah khat leh khat ki maitai ding, nuihmai dingaa mawhna te kimaisak takpi ding hi. Tua in kimaingapna hongpia thei hi.

Ki maingapna a omlo innkuan pen bulum theilo a hihmanin ih innkuansung ciat ki it bek hilo in a mimal mahmah kimaingap ciat ni. Siamsin Library