USA, Georgia ah Myanmar gammi sangnaupang (kum 8) khat mawtaw in taihlum

USA, Georgia ah Myanmar gammi sangnaupang (kum 8) khat mawtaw in taihlum

USA, Georgia State sung aom DeKalb County ah naupang kum 8 aphapan khat mawtaw in taihkha in si cih Fox News pan kiza hi. Tua naupangno ii aminpen Tluang Tha Men kici a, Myanmar, Chin State sung aom Zophei lamtekhat hihtuak hi.

Tluang Tha Men pen Friday zingsanglam in anu in sanginn ah akhading in apaipih ahihi.

DeKalb County, Ray’s Road, Central Drive ah zingsanglam 7am hunpawl in anu in akhutah lenkawm in School Bus omna zuanin apai laitak un mawtaw khatin ataihkha ahihi.

Fox 5 News te genkhiatna ah Tluang Tha Men pen anu in akhutah lenkawm in School Bus omnalam zuanin lamzikpi akantan laitak in mawtaw khatin aphukha cihi.

Tluang Tha Men pen alu nakliam mahmah a, zato ah kipuakpah himahleh aliamna tawh zato panin si cihi.

Anu zong atawguh nasa in, Grady Memorial Hospital ah zatui kibawl hi ci’n Police te’n genkhia uhhi.

Mawtaw tawh aphukha pen Ejigayheu Tsegaye kicikhat hi a, aphutkhak khitciangin tuaphual mahah omlai a, adenciang in Police te’n thubawl uhhi.

More: Video: US ah naupang kum 10 aphapan khatin mawtaw hattak in phenghawlgawp

Tluang Tha Men pen International Community School ah tanthum (3rd Grade) akah laitak hi a, tuahsiatna tawh hongnusia citciat ahihi. Sawltak #zomidaily