Vanleng sungah Bomb omhi cih kikhemna hangin Passenger te kiphugawp in mi 10 liam

Vanleng sungah Bomb omhi cih kikhemna hangin Passenger te kiphugawp in mi 10 liam

Indonesia gamsung Borneo Island panin alengkhiading akithawi vanleng sungkhatah Bomb om hi ci’n Passenger khatin genkhia ahih manin, Passenger te kipatau mahmah in kiphugawp uhhi. Tuabangin apusuaknuam masa kituhin aki phutgawpna hangin Passenger mi 10 tak liamgawp uh cih AP News te’n genkhia uhhi.

Tua buaina apianna vanleng pen Lion Air Boeing 737 hi a, Passenger khat ahi kum 26 aphakhin Frantinus Nirigi in vanleng sungah Bomb omhi ci’n vanlengsung nasem Flight Attendant khattungah genkhia hi.

Tuabangin agenlaitak adang Passengers pawlkhat inzong zakha ahih manin ki patau ngeingai a, apualam pusuahtheih nadingin akituh ngeingai uh ahihi.

West Kalimantan police spokesman Nanang Purnomo in agenkhiatna ah Monday zanlam in thupiang hi a, tua Lion Air pen Borneo panin Jakarta zuanin alengkhiading akithawi laitak cihi. Vanleng sungah Passenger bekbek akigawm in mi 189 tak atuang hi a, vanleng sungah Bomb om akicih ciangin aki pataugawp ahihi. Thunei te’n vanlengsung hoihtak azonsak ciangin bangmah apuakkhamthei muhneilo cileltak hi.

Frantinus Nirigi kicipa in Bomb omhi acih ciangin adang Passenger khatzong lunghimawh in Emergency Exits te nahongpah hi. Tua Emergency Exit panin Passenger te kitolhkhia, pusuak khiatheiding cihtawh ahonsak hi a, ahi zongin tuabangin ahonkhakna hangin amahleh Bomb omhi acipa anih in mat thuakpah sawnsawn uhhi.

Hih Bomb omhi ci’n buaina apianlaitak Video Clip zong kizaihkha in, vanleng ataklam pangka tungah mi tampi dingngeingai uhhi. Pawlkhat ki tolhsuk in anuai vanleng taina Tarmac leilak ah tusuk uhhi.

Police te genna ah Passenger mi 8 pen nakliam mahmah, aguh kitankhawng leh alu aliamkhawng om ahih manin Hospital ah kipuak cihi. Adang Passenger aliam 2 tepen phadawm zawdeuh, Minor Injuries hi ci’n genkhia hi.

Video: At least 10 passengers on a flight preparing to take off from Borneo island were injured, most of them with broken bones and head wounds, after panicked ensued when a man claimed there was a bomb on board, Indonesian police said Tuesday.

Flight Attendant khatin agenna ah Passenger tepen lauthawnggawp in khatlehkhat kiphugawp uh ahih manin, tuahangin atuk akia tawh aliam uh ahihi ci’n genkhia hi.

Vanlenghawl Pilot pa inzong vanleng sungah Bomb omcih akigen ciangin Passenger khempeuh damtak in kumkhiading cih thu kipiak himahleh khatlehkhat kiphugawp, ki nawkgawp uhhi ci’n genkhia hi.

Airline spokesman Danang Mandala inzong Statement akhahkhiatna ah hih ciamnuihna “Bomb Joke” hangin vanleng khempeuh ziakai in Passenger tampitak buailawh uhhi ci’n genkhia hi.

More: Vanleng sungah numeikhat in abombi sungen huihtawh mutkeusak

Emergency Exit kongkhak tezong utthu tawh honziautheih hilo a, vanleng nasem Crew te’n sawlna aomlohbuang in akimawk hontheihloh ahihi. Tua ahih manin, Bomb omhi ci’n agenpa bekthamlo, Emergency Exit ahongpa tawh mi 2 kimanin, akamsiat uhleh kum 8 ciangbang thong kiatheiding uh hi ci’n Police te’n genkhia hi. Ciamnuih galsuak….. Sawltak #zomidaily