Indonesia khuapisung atai meileng sungah gul khat kiman

Indonesia khuapisung atai meileng sungah gul khat kiman

Indonesia, Jakarta City khuapisung kikawmna in akizang meileng tungkhat ah gulkhat kimu ci’n Tuesday nitaklam in Social Media ah ki thehzak hi. Tua khuasung mipi kikawmna “Commuter Train” pen Bogor-Angke Route kikal atai meilengkhat ahihi.

Tuesday nitaklam 5pm hunpawl in Instagram tungah @JktInfo akici User khatin tua meileng tungah gul aki matlaitak Video khahkhia masa in, naikhat khitdeuh ciangin Comment bekbek 1399 bang phasukpah zeizai hi.

Hih anuai a Video pen Instagram ah @jktinfo akici User khat ii Upload hi a, Comment bekbek 3353 bang phakhin in, View zong 166,241 Views bang phakhinta hi.

Hihvai tawh kisai in meileng thunei khat ahi Train operator PT KAI Commuter Jabodetabek (KCJ) spokeswoman Eva Chairunisa in agenkhiatna ah hih buaina Incident hangin mipi te kongthuum uhhi ci’n genkhia hi. Tua gul pen Passenger khat ii apuak hiding in ki ummawh cihi.

Video: Snake found on commuter train in Jakarta

https://www.instagram.com/p/BbwMBLgF681/

Spokeswoman in agenbehna ah mipi tuanna Commuter Train tungah Passenger kuamah in hihbang ganhingpuak kiphallo cihi. Thukhun zuilo in apuateitei akitheihleh tua Passenger pen anaipenpen Station ah ki hawlkhiading cih thukhun om cihi.

Video sungah tua gul pen Passenger numei khat ii Luggage Rack geinai ah kimu masa cihi. Tuakhit ciangin thunei te’n manding in akithawi, agimgim laitak in Passenger lakpan gulhang pasal khatin akhutguak tawh amei panin mansukziau in satkhia hi. Tuakhit ciangin leilak zepsukna in, meileng kongkhak ii apualam ah lotkhiatsak hi.

More: Thailand leh Malaysia Express Train tungah gul 181 kiman

Hih meileng tungah gul akimu pen gul akitalo, gulhang te adingin cihtak hetlo a, aneu zekzuk khat hilel hi. Khuaneu khuata khawngpan in akhangkhia, gul leh ganhing tuamtuam tawh akisawhkha te adingin kihtak huai hetlo hi. Ahi zongin adiakdiak in numei naupang te’n kihta mahmah bekthamlo, gimneih in cikzia mahmah uhhi. Tuaban ah mihing tuanna meileng “Commuter Train” sungah gul kimu cihpen lamdang kisa mahmah hi. Sawltak #zomidaily