Indonesia ah IS migilo dingin aki ummawh mi 6 palik te’n kaplum

Indonesia ah IS migilo dingin aki ummawh mi 6 palik te’n kaplum

Indonesia gamsung ah IS migilo, mi ngongtat tetawh akizomding in aki ummawh mi 6 te Java Island ah abeisa kalsung in kikaplum hi ci’n Police Spokesman khatin Sunday ni in genkhia hi. Ref: AFP

Abeisa Saturday ni in mi 7 atuang mawtaw khat Traffic Police Post te omna ah asimding in kuan uh a, tualai munah aom Officers amuhpeuh uh kapgawp uhhi.

Tuakhit ciangin a mawtaw uh nusia in East Java, Tuban sung aom Agricultural Area lamah taimang uh cihi. Local Police te’nzong tuakuam sungteng zon kipanpah uh a, thau kikaptuahna piangpah hi. Tawlkhat akikapkhit ciangin thautawi migilo te mi 6 kikaplum hi ci’n National Police Spokesman Rikwanto in genkhia hi.

Migilo te lakah khatzong ahing in mankhia thei uhhi. Hih thautawi migilo tepen Indonesia gamsung ah buaina apiangsakden IS tetawh akizom Jamaah Ansharut Daulah (JAD) network kici te ahi uhhi. Hihte ii gamtatna hangmah in tukum January khasung inzong Jakarta khuasung ah buaina lianpi piangsak uhhi.

More: Indonesia ah pasal khat aki gui awk (Suicide) laitak Facebook Live in khahkhia

Abeisa kum 15 hunpawl akipan Indonesia gamsung ah thautawi migilo te ngongtatna huaisia mahmah hi. Adiakdiak in 2002 kum hunlai in Bali Island kici tuikulh tungah Bomb kitampen huaisia phadiak hi. Tuahunlai in mi 202 takin sihlawh a, asi atamzawtham pen gamdangmi Tourists in azinpak vive hisawnsawn uhhi. ZD Sawltak #zomidaily