Indonesia ah gamsung milamdang khat kimu

Indonesia ah gamsung milamdang khat kimu

Indonesia gamsung Banda Aceh-based Motro Trail Community te gamsungah Motorcycle tawh avak laitak un gamsung milamdang khat mukha uh cih Jakarta Post pan kiza hi. Motorcycle tawh apailaitak un amai ah mihing dankhat muvat ahih manin amasapenpa thakhatthu in tukvat cihi.

Tua amuhkhak uhpen mihing mahtawh kibangin ciangkang khat tawisa in gamsungpan thakhatthu in hong pusuakvat ahih manin, amasa penpenpa lau in Motorcycle tawh tukvak hi.

Gamsung mipa pen alu tol in atunglam ah bangmah silhlo hi. Tawmcik khawl in Motorcycle tuangte enphot a, tuakhit ciangin thakhatthu in hattak in taimang vingveng hi.

Motorcycle tawh alawmdang te’n delh uh a, ahi zongin tua gamsungmi pen gampalak ah lutin muzo nawnlo uhhi. Mihing mahtawh kibangin ahi zongin atun tomzawdeuh kici hi.

Motorcycle Group te’n alutung ah Action Camera zaihsa in athuah uh hi a, Video Record abawlkhak pen March 22 ni in YouTube ah akoihtoh uh ciangin lamdang kisa in ki en ngeingai hi. Tuni ciangciang tua YouTube Video aki enpen Million 1.6 valkhinta hi.

Video etnopleh: HEBOH ! Kaget ada orang telanjang di hutan Aceh

https://www.youtube.com/watch?v=5TGhLWf5W3s

YouTube ah Comment akipia bekbekzong 2000 valkhin in, hihbangdan gamsungmi omlai cihpen lamdang kisa mahmah hi. Pawlkhat te’n hih gamsung mihing pen Mante Tribe akici te hiding ci uhhi. Tuate pen Aceh’s Urban Legends khat hi a, Aceh People te hongki patkhiatna abulpi khat kici hi.

More: Indonesia, Bandung City ah Bomb puakkham in khuasung buaigawp

Video sungah etpak in Africa gamsungmi te khawngpeuh tawh kibangleh kilawm hi. Hibangdan gamsung mihing pen tudongmah Indonesia gamsung ah aomlai hihtuak mawk hi. Video na etsak inla, na upmawhdan hong kuppihgawp dihve lawm… ZD Sawltak #zomidaily