Windows 10 amawkna in ki Upgrade theiding
Microsoft Company te in Windows 10 Version pen ahoihmahmah dingin abawlbawlsan laitak uh ahihi. Zanni in Microsoft te’n atangko khiatna ah Windows 7, Windows 8 leh Windows 8.1 azangte adingin Windows 10 pen amawkna FREE in ki Upgrade theiding hi ci uhhi.
Microsoft Company te genkhiatna ah Windows 10 aki Release khitzawh kumkhatsungbek Free Upgrade ki bawltheiding cihi. Tua hi a, Windows 7, Windows 8 leh Windows 8.1 Official Genuine Version azang khempeuh in Windows 10 aki Release khitphet in Free Upgrade bawlpahding thupi dinghi. Tua kumkhatsung na Upgrade khitnakleh “Lifetime” hipah a, Windows 10 Version pen leibehkik cihbang kulnawnlo dinghi.
Ahi zongin Windows 10 aki Release khitzawh kumkhat sungin Free Upgrade na bawlkeileh kumkhat akhenkhit ciangin nalei ngiat kulding hi.
Windows Phone 8.1 Version azang te’nzong amau Mobile Phone sungpan in Windows 10 ah Free Upgrade ngahding uhhi.
Microsoft Company te VP of Windows at Microsoft asem laitak ahi Terry Myerson in agenkhiatna ah Windows 10 Upgrade pen olno takin aki bawltheih nading in akibawl laitak ahihi cihzong mipi tungah genkhia hi. ZD Sawltak
Comment piaknop aomleh...