Indoensia’s Yogyakarta Airport ah vanleng akumlaitak lampialkhia

Indoensia’s Yogyakarta Airport ah vanleng akumlaitak lampialkhia

Indonesia, Yogyakarta khuasung aom “Adisutjipto International Airport” kici vanlengtual ah Wednesday ni in vanleng akumlaitak apei taal ahih manin Runway pan pialkhia cih Reuters News pan kiza hi. Tua vanleng pen “Garuda Indonesia Airways” te hi a, Wednesday zankimlam in buaina apiang ahihi.

Hih buaina hangin Adisutjipto International Airport pen Thursday nidong kikhakcip hi. Vanleng Company Garuda Indonesia te’n a website tungah Statement agelhna uh a, atuahsia vanleng pen Boeing 737-800NG hi a, Jakarta khuapi panin Yogyakarta khua zuanin aleng cihi.

Guah tamlua mahmah ahih manin, vanlengtual lampi akibawl Runways te nalgawp in, lam apialkhia ci uhhi. Yogyakarta khuapen Indonesia, Java Island ii Cultural Center bulpi khatin aki ciamteh khatzong ahihi.

Garuda Airways Spokesman ii genkhiatna ah hih vanleng tungah Passenger mi 123 leh vanleng tungah nasem Airline Crew mi 7 atuang uh cihi. Avek un bangmah liamna omlo in, vanlengsung panin apualam ah ki hemkhiathei cihi.

Indonesia’s Transport Ministry in hih buaina hangin Adisutjipto International Airport pen Thursday nitak 3pm dong khakcipding thupia uhhi.

Indonesia gam ii Air Safety Record pen ahoihluapi hikhollo kici hi. 2016 sung bekbek inzong vanleng tuahsiatna 12 veibang omkhin a, mi 30 in sihlawh hi cih Aviation Safety Network te ii website tungtawn in ki muthei hi.

More: Zupengnawng vanlenghawlpa hangin vanleng ziakai

2007 kumsung in Garuda Boeing 737 vanlengkhat Yogyakarta Airport ah tuahsia ngei hi. Vanleng akumsuk laitak in Runway panin pialkhia in, meikuanggawp ngei hi. Mi 21 inzong sihlawh ci’n ki ciamteh hi. ZD Sawltak #zomidaily