India ah alenglai vanleng khat ii akongkhak kiasuk in innkhat dengkha

India ah alenglai vanleng khat ii akongkhak kiasuk in innkhat dengkha

India gamsung ah vanleng khat ii a kongkhak ‘Plane Door” kiasuk in, anuai aom innkhat dengkha cih Times of India (TOI) pan kiza hi. Tua adenkhakna inntungkhum ah pasalkhat innzazut nasem in aom hi a, sun anneding in apailian laitak in anasepna munsanlian ah akiasuk hi a, dengkhalo bilbel hi.

India, Lalapet khuasung ah Monday (October 30) ni in thupiang hi a, vanleng kongkhak akiatsukna adengkhak innpen inndawl 2 “Two-storey building” khat ahihi.

Innteekpa pen inntungkhuh Roof teng innzazut in nasemsem in aom hi a, sun anneding in innnuai ah akumsuk khitlianleh vanleng kongkhak kiasuk khatin adendiak in nasem in aomomna munsanteng dengsukkha hi. Nasem in aomlai hizenleh adenglum khading himawk hi.

Ahi zongin vanleng kongkhak akiatlian laitak in kuamah omlo ahih manin, asi aliam kuamah omlo hi ci’n Times of India te’n pulakkhia uhhi.

Tua vanleng pen Telangana State Aviation Academy te neihsa hi a, vanleng kongkhak akiat laitak in vanlenghawl Pilot mi 2 atuang ahihi. Vandawn ah Pi 2500 (763m) asanna ah alenlen laitak in vanleng kilokgawp in, sikkongkhak khat kilongkhia in, anuai ah akiasuk ahihi.

Local Congress member Ganesh Yadav in agenkhiatna ah amahpen innsung ah kaomlian laitak hi a, vanleng kongkhak akiatsuk ciangin agin ngaihmahmah khat kaza cihi. Thaupi bangdan in apuakkham khatpeuh omkha hiding hi ci’n pataulua in ka enkhia cihi.

Ahi zongin vanleng kongkhak “White door” khat akiasuk nahi a, tua kongkhak ii agihna pen 20kg bang phading cihi.

Local Police te’n tua vanleng kongkhak kempah uh a, Directorate General of Civil Aviation in buaina te hoihtak sitcianna nei cihi.

Related: Japan pan alengkhia vanleng khat ii akha kiasuk in mawtaw khat dengsia

Police inspector Karan Kumar Singh in BBC te tungah agenkhiatna ah tuakuam sungteng ah vanlengneu aniamlen pawlkhat, ahawl akisin “low-flying training planes” omthei zelzel hi ci’n genkhia hi. Nungdiak inzong Japan gamsung ah vanlengkhat ii akha kiasuk in mawtaw khat dengsiagawp ngei hi. Sawltak #zomidaily