India in ICBM sitna aneihbeh laileh China in Pakistan inzong bawlna dingin huhding

India in ICBM sitna aneihbeh laileh China in Pakistan inzong bawlna dingin huhding

Jan. 6, 2016: India in Pizing (Monday) ni-in nuclear galvan puak theihna Inter-continental Ballistic Missiles (ICBM) a bawl uh sitna (test) a neih manin China in zong a lawm hoih mahmah khamulsaute Pakistan mah patauhpih pah hi ding hi ven Chinese media ten India in tua bangin ICBM sitna a neih beh lai leh China in zong Pakistan in a sitna dingin kihuh ding hi ci hi.

China’s state-run Global Times in, “UN Security Council in India in inter-continental ballistic missiles sitna a neih den keei a dal kei a, a daih dide leh Pakistan in zong nuclear missiles bawl beh ding hi,” ci hi.

India in Monday in India’s Defence Research and Development Organisation in a bawl nuclear galvan puak theihna Agni-IV ICBM kici 4000kms. kap kha ding leh a satna 4,000 degrees centigrade thuak zo ding leh fifth-generation on-board computer kithuah sitna a neih manin Chinese mediate om khawng thei loin a kam uh hong kek ta uh hi. India in nung kum Dec. 26 in zong Agni-IV sanga hatzaw 5000kms. kap kha ding Agni-V ICBM sitna na nei hi.

Global Times editorial sungah, “Nitumna gam ten India pen nuclear gam (nuclear country) bangin a pom uh-a, India leh Pakistan nuclear galvan lamsang ah a kitaihtehna uh a zakdah uh leh nuclear rules om bang China ding dinga, Pakistan in zong India in nuclear galvan a neih bangin Pakistan in zong a neih ding kisam ahih manin China kitu mawkmawk lo ding hi,” ci hi.

More: New York ah meileng tuahsia, Passenger mi 100 val liam

China in India ten long-range missiles leh nuclear tampi sit in, sit zom den ahih manin UN thukhun “long-range missiles and nuclear weapons regulations” kici palsat hi ci-in a ngawh banah nitumna lam gam ten gamdangte a bawl bangin India bawl loin deihsak tuam hi ci-in ngawh hi. India in Agni-V sitna a neih manin nuclear league kici sungah kihel ta hi. Source : Sputnik/ Thang Khan Lian