India gamsung ah Passenger Bus khat kenkia in mi 44 sipah, aliamzong 3 om
India gamsung ah Passenger apua Bus golpikhat tuni Sunday ni in tuahsia ahih manin, mi 44 takin sihlawh cih AFP pan kiza hi. Tua Passenger Bus pen Northern India, Himalayan State of Uttarakhand sung aom kendang lampi khatpanin akiasuk ahihi.
Tua Bus tuahsiatna akizak ciangin cimawh dongtuak te ahonkhiading in Search & Rescue Crew te’nzong aphual ah delhpah uhhi ci’n Police te’n genkhia uhhi.
Disaster Management Official Deepesh Chandra Kala in agenkhiatna ah Passenger Bus tuahsiatna hangin aphual ah mi 44 sipah a, adangzong aliam mi 3 bnag kimukhia hi. Asi aliam te hotkhiatna “Rescue Work” pen aki sepsanlai ahihi ci’n genkhia hi.
Tua Bus Driver in mawtaw hoihtak lenkiptheilo in lampialkhia hi. Kendang ah akiatsukna in Bus pen phelnih kisuahin, akhawngtawng luitaw bekah tusuksuak vingveng hi ci’n genbeh hi.
Bus tuahsiatna Photo aki khahkhia sungah Passenger Bus pen atunglam akhuhteng ki zutkhiamang in, mawtaw zong natsiat mahmah hi.
India Prime Minister Narendra Modi inzong hih Bus tuahsiatna ihzakkhak manin nakpitak in ihdahpha mahmah hi, asi innkuanpih tetawh kibangin ihdahkhawm hi ci’n genkhia hi.
Video: At least 44 people were killed in northern India on Sunday (Jul 1) when a passenger bus crashed into a gorge in the Himalayan state of Uttarakhand, officials said. Search and rescue crews were at the crash site in hilly Pauri Garhwal district northeast of New Delhi, police said.
Tuaban ah aliam tezong amanlangin adamsiangkik mengmeng nadingin thu kagen hi. Rescue Operations tezong asepsan laitak uh hi a, kumpi thunei te’n tuahsiatna phualah akisam bangbangin panpihtheih bangbang apanpih laitak uhhi ci’n Prime Minister’s Office te’n Twitter tungtawn in gelhkhia uhhi.
Kumpi thunei te’n hih Passenger Bus tuahsiatna vaitawh kisai in ahang taktak kicianin kithei nailo hi ci’n pulakkhia uhhi.
Ahi zongin India gampen leitung ah lamzikpi tuahsiatna atampenpen gamkhat in akiciamteh ahihi.
Kumsim in India gamsung lamzikpi tungah tuahsiatna hangin mihing 150,000 bangin sihlawhden uhhi. Atamzaw tuahsiatna pen lampi hoihlohna, mawtaw tezong hoihtak aki puahlohna leh mawtawhawl tezong limtak in ahawllohna hangin tuahsiatna tampi apiangden kici hi.
More: India pasal khatin gilzang sungpan in siktukilh 639 ki lakkhiat sakthei
Nungdiak April khasung inzong Himachal Pradesh State ah Passenger apua Bus khat luisung ah kiasuk in mi 30 takin sihlawh uhhi. Asi lakah naupang bekbekzong 27 tak kihel uhhi.
Tuahunsung mahin Madhya Pradesh State sungah mopawisiim dingin apai mawtawkhat lei tungpan kiasuk in mi 21 takin sihlawh uhhi. Sawltak #zomidaily
Comment piaknop aomleh...