Ihveeng Ihpaam Duum Sak Ni, Green Our Neighborhood ~ Khup Khan Thang

Ihveeng Ihpaam Duum Sak Ni, Green Our Neighborhood ~ Khup Khan Thang

Motto: United We Thrive. Kipumkhat Khantto Diam Ref: Habakkuk 2: 2 Nang ka hong muhsak thu khempeuh, a sim nop mahmah dingin tungman pek tungah gelh in. Write the vision and make it plain on tablets, that he may run who reads it.

I. Project min (The name of the project): Hih project a min in “Ihveeng ihpaam Duum Sak Ni” “Green Our Neighborhood” a hihi.

II. Project hun (Project year): Kum 2015 pan 2020 ciang dong. (2015 AD to 2020 AD)

III. Project ngimna leh tupnate (Project Aims and objects)

• (i). Taangpi taangta te cidamna lam khanto nading. (To enhance public health)
• (ii). Mimal cidamna lam lapto nading. (To improve personal hygence)
• (iii).Tui tawh kizom natna te beii, maimang sak nading. (To eradicate water related deseases.)
• (iv). Khuasung mipite nuntak khuasak zia zuun nading. (To promote communities’ standard of living.)
• (v). Khuapi sung siantho sak nading. (To observe town cleanliness.)
• (vi). Khuapi sung etlawm/ethoih nading. (To create scenic town)
• (vii).A siangtho kiim leh paam lam nading (To build up frienly environment)
• (viii)Khuasung meencimte dal nading (To prevent landslide)
• (ix). Tangpi tangta neihsa te itna a’khan nang’ leh kepcing nading (To enrich sense of ownership and to protect public properties)
• (x). Tang’van te kepcing nading (To preserve ancient antique)

Hih “Green Our Neighborhood” Project Document pen Tedim khua bulphuh aa ki at hi aa, a hizongin khua khat peuhpeuh ah, a’ kizangh thei (Applicable) dingin a pongpi aa ki at ahi hi.

Tedim Khua Tangthu tomkim. (History of Tedim Town in succinct)

Papi te’n thu agen ciang Tedim khua-ah Taap (Hearth) kuavei kiluak hi ci hi. Tedim khua pen kisat zel in kilaawi zel a’cihna ahihi. Beh kiim phial-in, a mau pute pate in Tedim khua sat hi ci nuam ciat ihih ma’n in, ih beh kim phialin Tedim khua ah kiteng ngeihi cih na ahihi. Pu Kam Hau (Sukte), Pu Mang Gin (Hatlang), Pu Khoi Lam (Hatzaw), Pu El Khat (Thawmte), Pu Kim Thuam (Naulak), Pu Gen En (Lethil), Pu Kai Hen (Hatlang), Pu Pau Am (Samte).Pu Pau Vum (Sukte) te in Hausa, Upa sem in, a nunung pen Tedim khua nasat, na puahpha, na kemcing uh hi. (Lest we forget. Col. Khen Za Moong, retd.)

1890 kum ciangin Mangkaang kumpi te-in, Tedim khua hal in, a kilaawi leuleu ahihi. Tedim khua in Mangte omna khua ahihi. (Zolai Simbu pan) Mangkaang kumpi in Tedim khua ki ukna Vuandok zum omna khua dingin hong bawl hi. Tedim khua-ah, Gurkha te leh Kala (Indian) Sumbuk (Shop keeper) Dobi (Puansawp) leh laa cing (Derby) te tawm khat bek na teng uhhi. Tua hun-in Tedim khua-ah Gurkha pau bek kizangh hi. Leitung galpi I (WW I) maa in, Pu Neng Thawng te innkuan Tedim khua-ah na teng masa uh hi.

Sumbuk zong na bawl uhhi. Piantit paidingte a khasum masa pen uh a saan’ni in ka sada (Tobacco) zuak tenguh ni khat thu-in bei pah hi cihi. (Citation of Sya Dim Lam Thang) Tedim khua-ah ateng mi damdam in kibeh lap aa, Pu Thang Langh, Pu Gin Thual, Pu Pau Za Kam leh Pu Thawng Cin te Zomi inn 5 na teng uhhi. (Pu Thawng Cin pen khuano mi hi aa, a khua lam vuah lal kik ci hi) Tedim khua Hausa masa pen Mr. Muktan (Kala) ahihi. Japan gal (WWII) galtai maa in, Zomi inn 30 ciang bang na phata hi.

Tedim khua Mangkang kumpi (17 Division) te in 1944 kum march kha 14 ni in nusia hi. (These rather alarming events had been reported to Scoones, and at 2040 hours on the 13th March he telephoned Cowan, ordering him to withdraw his Division to Imphal plan. At 2200 hours Cowan gave out warning orders for the withdrawal of his Division the next day. It was a long column that began to wind through the hills in the afternoon of the 14th.

Defeat into Victory, Field Marshal Slim, Pg 294) Tua khit akipan Japan te ukna sungah ki om hi. Japan te hong uk sung ei leh ei kihek in Japan te tung kikhia leng thudot thu kantel mel omlo in hong that pahpah uh ahi man’in, Zomi mipi taang aa, Japan ulian te tung thusung ding “Chin leaders freedom league” kipawlna na phuan uhhi. Zomi lai thei khangno pawlkhat in, Galpi hun sungin, akem adal ding omlo Zomi te mailam khuasak zia vaihawm nading “Chin Leaders Freedom league” naphuansim uh hi.

Dr. Vum Son at “Zo History”ah hih bangin naciamteh hi. In order to look after the interests of the undefended local Zo population an organization called the “Chin Leaders Freedom League” was secretly formed. The founding members were Vumkohau, Pauzakam, Khaimunmang, Vulzathang, Ginzatuang, Lunpum, Summang, Awnngin, Zuktsio and Pi Donkoting. They drafted the members of the Chin Leaders Freedom League to serve as civilian officers in the Japanese military administration at the Japanese Military Academy at Tedim.)

1945 kum October kha 17 ni ni mangkang kum pi in Tedim khua hong lakik hi. (Defeat into Victory, Field Marshal Sir William Slim, Pg 357) Tua hun akipan Mangkaang te administration sungah Zomi te ki om kik aa, Japan gal ven’ ciangin, galtaina pan ahi zongin khua kiim khuapaam pan ahizong in Tedim khua kizuan kik hi.

1948 kum Kawlgam in suahtakna (Independence) a ngah ciangin Tedim khua ah township zum hong phut hi. Kumpi tan 10 sangpi zong om aa, khua kim khua paam pan Tedim khua hong kizuan in mi hong tam semsem hi. 1962 kum galkap kumpi in hong uk ciangin nuntakna haksa semsem aa, ration card bel in Tedim khua ah khua neu te pan in mi tampi hong peemta hi. Tu in Tedim khua in Khamtung gam khua lianpi khat hong hita hi.

Tanglai munleh mual, inn leh lo te puahkik ding. Refurbish/restore ancient buildings.

Saimual Saddle

Tedim khua ki galmuh theina mun Saimual ciangka zaang teng “Galdot mun;Viewpoint) hoih khat bawl ding in, kipuah kizuun ding hi. Tedim khua hoihtak ki galet na dingin, nidang aa, Sialtang Tui pressure release valve omna lam mualdaang ah, 20’X10’ innkaa tausaang (Platform) khat kilam ding. Tua innkaa tausaang pen taalap bangin alang atung kikhuh ding hi. Tua tausaang sung ah mite noptak a khawl theih nading picnic bench leh table kikoih ding hi. Tua innkaa tausaang kiu khat lam ah Tedim khua galet na ding leh khuadak nading Telescope 1 ki koih (Fix) ding aa tua telescope 1 tung zong kikhuh ding hi. Tua viewpoint ii gaalkhat Tedim Road ii a lang khat lam ah Galpi khatna (WW I) lai aa, Piantit pai ihpu ihpa te mualsuang kiphut ding hi.

Amin teng uh leh akhua uh marble suang’ tungah ki-at kim ding hi. Akiim’ ah pak hoih nono kisuan ding aa, khawlmun nuam dingin kibawl ding hi. Nuimei pasal zunbuk ekbuk hoihtak kibawl ding hi. Hih Saimual Saddle mun teng en dingin khualzinmi hong pai nadingin landscape engineer te’n puahhoih ding hi. Tedim khuapi pan a’ding khia khualzin mi khempeuh in, hih mun ah kawl in, Jehovah Pasian tung ki-aapna leh thungetna nei ding uhhi. Mipi tuanna bus leh public transport peuhmah te’n alo theilo in hih mun ah khawl in thungen lungdamko ki-aap ding uhhi. (Mandatory!)

Welcome to Tedim Sign Board

“Welcome to Tedim” a ki-at na khum tawh kiphut Sign Board zong tu aa Kawlkhua neu (Yanapoh= Hamlet) te signboard lim dan hilo in, a modern aa hoih mahmah khat kibawl ding hi. Akiim ah pakhuan zong limtak kibawl ding hi.

Kant (Fortress trench)

Nidanglai ihpu ihpa te galdalna kant te to pha ding. Khuangzang khua (Thahdo) te kant, tu aa Sangmang huangsung pan kipan in, a kitawh theihna ciangciang to kikin, puahpha ding. Tua ban-ah nidang sangpi nuai (Tu-in kaangphelh te huang nuai) sanglui lam pang aa kito kant zong to kik in puahpha ding.

Town planning.
Khen I.

Khuapi Gamgii (Demarcation of Town Area Boundary.)

Khua leh tui khat pepeuh hoihtak ih puahphat, ih zuunphat nop leh tua khua leh tui ii gamgii or kigii hoihtak puah phat kul ding ahi hi. Hih kigii bawl pen thuthak hilo in nidang Mangkang te hong uk lai a kipan Tedim (The then Tiddim) khua gamgii hoihtak na bawl-in, suang kiciang “Bohtai” na’ phut kawikawi uh hih. (Tedim khua in Gawng Mual khua gam sung ah om a hihi.) Tua Bohtai laizangh ah letmat 6 diameter a gol khumpi khat om a, tua suang kiciang tungpan pii 2 (2 foot) bang dawkkhia aa, tua tungah lai leh nambat tawh kiciamteh hi. Tua Bohtai te pen Revolutionary Council (Lumlet kumpi) hong khanmaa, (1962 kum) dong hoihtak kumpi thunei te’n kemcing uhhi. Kei thei khak nih te bang:- 1. Zato lamka pan Gawngmual lam paina lampi, Pu Cin Khan Khup te inn khang mualbo tungah khat om aa, a kiang apo taakkung tungah zong dolpeek neu khat tawh kiciamteh lai hi. 2. A khat pen; Lamzang khua motor lampi (Rih lampi) Lawibual pan lamsuk kipatna, (Tu’n inn khat om) tungtun kiangah bohtai khat om hi.

Khen II. Khuapi gamlim (Topographic contour map)

Khuapi sung aniam asang tawh a ki thuah khawm gamlim (Topographic Contour Map) khat bawl maasak kul ding hi. Tedim khua omna mun lian’ GPS (Global Positioning System) tawh hoihtak ciamteh ding. A sea level zong hoihtak bench mark bawlpha in ciamteh ding. A kisap leh detailed survey zong survey instrument te tawh bawl ding. Tuhuhteh google pan zong olno tak in ki download thei kha ding hi. Hih topographic contour map tungah hih anuai aa, ih sepkhiat nate khempeuh ki ciamteh ding hi. (Depict on the map)

Khen III. Lampi leh kongzin lamneu te (Roads and alleyway)

Lampi No.1. Tedim Road: WWII Japan gallai a kito, Imphal khuapi pan Tiddim (Tedim) khua ciang a tungsuak lampi pen “Tiddim Road=Tedim Road” ki cihi. Tua lamzikpi in Tedim khua sung tawn hi. Greater Tedim town area huamsung, Tedim Road kici tua lampi anuai aa thukhunte zui-in kipuahpha ding hi.

TIDDIM ROAD pen Galpi II or Japan Gal (WW II) lai in mangkang kumpi in Imphal khuapi pan Tiddim khua ciang kizop nading a hong bawl sak lampi min a hihi. Tai (Mile) 160 vaal sau hi. Welcome to Tedim a kicih na panin, Mualtuk ciang Kawlpi pan Tonzang ki zopna lamlianpi pen “TEDIM ROAD” ki ci ding hi. Min ahih maa’in “ROAD” cih kammal pen eipau in, “LAMPI” cih kul sese lo a, WWII aa lampi to/bawl Mangkaang Kumpite’ min phuahsa “TIDDIM ROAD” pen tuhun min maan/dik gelh dan in at kik in “TEDIM ROAD” cih ding a hihi. A sawt nailo lai aa hi lampi min ding in “Kam Hau Road” a kici pen phiat in, a min maan or a min masa “Tedim Road” a laih kikziau ding a hihi. Zatopi luii (Hospital Brook) pan in Tedim Road South leh North in khen nih kisuah ding hi. S. Tedim Road; N. Tedim Road.

Hih Tedim Road pen mawtaw nih kipai pelh theih nadingin atawmpen pi 25 (25 feet) azai, pi 12 agol lamnih, (12 foot 2 lane) tarred road in kibawl ding hi. Lampi lang khat tuak ah pi 4 (4 feet) azai mite pai nading khelamzin (Pedestrian) kibawl ding hi. Mawtaw leh Cycle te in, lampi kitaang in zangh khawm ding hi. A hih hangin Mawtaw leh Cycle te in mai kikim in lane khat ah pai khawm theilo ding hi. Khe tawh lampai mite-in khelamzin (Pedestrian) tung bek tawn ding hi. Lamkan te simlo lampi laizaangah kua mah lampai theilo ding hi. Mawtaw, Cycle, mihing, lampi zangh khempeuh in, taklam (Right Hand) pang neh in pai ding hi. Mawtaw, Cycle khawl nang’ mun (Parking) zong kibawl ding hi. (Note: hih lampi zai’na pen atawm pen (Minimun) ding aa kigel hi aa, amun in apiak leh 4 lanes cing dingin kikek ding hi.) Lamsaklam lampi dung innmai teng ah hawktui (Surface runoff) luan nading ding pi 2 (2 feet) azai, a tung kikhuh hawklam (Surface runoff covered drain) kibawl ding hi.

Lampi No. 2. Leilum veeng Pu Thang Zuan te inn mai pan Pu Thaum Za Cin te innmai, a pai suak Pu Suak Khaw Tuan te kong ah, BOC mai ah, Lawibual Biak inn tung ah, tua pan Tedim Road tawh kizom ding; Custom lui pan kipan leuleu in, Pu Thawng Khaw Tual innmai, Bo Gin Za That te inn mai ah pai phei Pu Sian Khaw Hau, Bo Son Khaw Gin, Bo Thang Khan Hang te innmai ah pai pheisuak in, Pu Tuang Khan Dal , Pa Sian Gin Lian innmai, ah pai phei suak in Zato lui kan tan in, Pu Kam Za Hang te inn mai AG Biakinn huang taw, Pu Eng Khaw Lian te inn mai pan Bawda tualpi ah letkhia ding hi.

Sikkhauto zum mai ah, Municipal zum mai ah, Khuado hall kiangah, Pu Thang Khan Lian inn mai ah, Sgt. Neng Khan Thang innmai, Pu Khen Do huantaw ah, Lt. Col. Suan Do inn mai ah, Tua panTakzang EPC lam tuak suk ding in, Sakollam quarter lampi gual nihna (2nd line) tawh ki zom ding. Pu Hau Lian Thang te huantaw ah, Pu Zam Khaw Vung, Pu Thawng Kaang te innmai ah, Pu Kai Khaw Zam te huantaw ah, Tuapan Teeklui lampi mat phei ding. Hih lampi zong azaina mawtaw nih kipai peh thei nang ki keek ding aa, Tedim Road mah bangin, hawklam, sewer line, sidewalk etc. te hoihtak kibawl ding hi. Lampi min ding phuah kul ding aa, South leh North Tedim Road mah bangin kikhen ding hi.

Lampi No. 3. Pu Tun Kam te kongmai pan kipan, Pu Tun Za Kam, Sia Tun Za Siam te innmai, Pu Go Suan te inn mai, RCM Biakinn mai ah, Bawda tualpi nuai ah, Sikkhauto Zum mai ah , Pu Tual Khan Mang te inn mai ah, Pu Tun Kap te inn mai, Lt. Col Suan Do inn mai, tua pan Takzang EPC lam zuisuk ding, Sakollam veeng lampi gual thumna (3rd line) tawh kizom ding aa, Gurkha veeng ah pai phei in, Siangsawn khua dong kizom suak ding hi. Hih lampi zong azaina mawtaw nih kipai peh thei nang ki keek ding aa, Tedim Road mah bangin, hawklam, sewer line, sidewalk etc. te hoihtak kibawl ding hi. Lampi min ding “Kam Hau Road” kiphuak ding hi. South leh North Tedim Road mah bangin kikhen ding hi.

Lampi No. 4 Nailung khawina huan pan kipan in, Lawibuai sangpi huang ah, Rev. Thawng Khan Cin inndek ah, tua pan Immigration quarter mai ah, Rev. Kham Lian Khup inn mai ah, Tedim Road tawh kigawm ding in, Pu Thang Khup te inn mai pan, Zato lam kahto ding, misi buk (Mortuary), Sia Dim Lam Thang te inn mai, Township Co-operative zum mai, PWD zum kiangah , Pu Vum Za Nang te inn mai ah, Pu Sian khaw Pau te inn mai ah Tedim Road tawh kizom ding. Hih lampi zong azaina mawtaw nih kipai peh thei nang’ ki keek ding aa, Tedim Road mah bangin, hawklam, sewer line, sidewalk etc. te hiohtak kibawl ding hi. Lampi min ding phuah kul ding aa, South leh North Tedim Road mah bangin kikhen ding hi.

Lampi No. 5. Circular road. Solkee ciktui lam pan hong kipan in, Khaam Tut bual kiang ah, Custom quarter nung ah, tua pan Pu Biak Tuang te inn mai, Bo Kap Za Thang te huantaw ah, Haimual lampi ah, Pu Kham Suan Mung te kongah, Pu Vungh Khaw mang te kong ah, mualpang lam ah, vansangdim ah, Police quarter nung ah, Thukhen zum mai ah, Kam Hau tuakpi kiangah Sangpi pangah, Sakolam Biak inn mai ah Tedim Road tawh kizom ding. Hih lampi zong azaina mawtaw nih kipai peh thei nang ki keek ding aa, Tedim Road mah bangin, hawklam, sewer line, sidewalk etc. te hiohtak kibawl ding hi. Lampi min ding Circular Road kiphuak ding aa, South leh North Tedim Road mah bangin kikhen ding hi.

Khenpi IV. Lampi gual (Feeder Road)
Lampi gual pen tam simsim ding ahih man’in yatkwat khat ah khat leh ni bek hong ki lak ding hi.

Lampi gual No.1. (LeiLum Veeng) Tedim Road pan Leitawhtan a paito Pu Tun Za Tuang inn mai ah, Pa Tha Tung te inn mai ah paisuk, Leilum tual pi ah., Bo Put Pa te leh Leilum biak inn kikal ah pai suk, Lampi No.2 na tawh kizom ding. Hih feeder Road te zong mawtaw khat noptak a pai theih nang’ kek ding. Tedim Road mah bangin, hawklam, sewer line sidewalk etc.. te hoihtak kibawl ding. Lampi min phuah kul ding aa, a kisap leh East West in kikhen ding hi.

Lampi gual nih leh thum om lai ding hi.

Lampi gual No. 1 (Lawibual Veeng) Tedim Road pan aa kaakhia, Lawibual Zolai sang leh Pu Pum Khan Thang te inn kikal ah paisuak ding aa, Brigade huan ah, Lawibual han ciang a pai suk lampi gual pen Brigade lam ki ci ding hi. Hih feeder Road te zong mawtaw khat noptak a pai theih nang’ kek ding. Tedim Road mah bangin, hawklam, sewer line sidewalk etc.. te hoihtak kibawl ding. A kisap leh East West in kikhen ding hi.

Lampi gual No. 2. (Lawibual Veeng) Tedim Road pan Pu Suak Khaw Thang te leh Pu Zel Za Dal te inn kikal ah paito’ Sia Do Suan Mung sang mai ah, Pu Sian Kham te inn mai ah, Tua pan Pu Kham Suan Mung te inn kiang ah Haimual lampi (Asian Hyway) tawh ki zom ding. Lampi min University Avenue kici ding. Hih feeder Road te zong mawtaw khat noptak a pai theih nang’ kek ding. Tedim Road mah bangin, hawklam, sewer line sidewalk etc.. te hoihtak kibawl ding. A kisap leh East West in kikhen ding hi.
Lampi gual nih leh thum omlai ding hi.

Lampi gual No. 1 (Myoma Veng) Tedim Road pan kaakhia in, Pu Zam King Mang te inn mai ah pai suk, Lampi No. 2 kantan suk, Pu Khup Za Cin inn mai, Pu Luan Cin inn mai, Col. Khen Za Moong inn mai, Khukpi dek ah, Pi Ging Zen te inn mai ah, Galkap tualpi nawl ah, Myoma Primary sang ah, leicial veeng dong ah pai sulk ding aa, nidang Tedim gam ukpi Pu Kam Hau, Pu Khaw Cin innmun ciang kizom ding hi. Hih Lampi pen Khaw Cin Road kici ding hi. Hih feeder Road te zong mawtaw khat noptak a pai theih nang’ kek ding. Tedim Road mah bangin, hawklam, sewer line sidewalk etc.. te hoihtak kibawl ding. A kisap leh East West in kikhen ding hi.

Lampi gual No. 2. (Myoma Veeng) Tedim Road pan kaakhia in, Pu Tual Khaw Mang te inn mai, Pu Neng Hau Mung innmai, Municipal zum nuai, Pu Tual Khan Mang te huan taw , Galkap tualpi mongah, nupi len (Line) dong kizom sual ding. Hih feeder Road te zong mawtaw khat noptak a pai theih nang’ kek ding. Tedim Road mah bangin, hawklam, sewer line sidewalk etc.. te hoihtak kibawl ding. Lampimin phuah kul ding aa, a kisap leh East West in kikhen ding hi. Lampi gual nih leh thum om lai ding hi.

Lampi gual No. 1. (Sakollam Veeng) Tedim Road pan kaakhia ding in, Takzang EPC huang ciangah, Zalui Hydro Power ciang a paisuk lampi pen E.P. C. lampi kici ding hi. Hih feeder Road te zong mawtaw khat noptak a pai theih nang’ kek ding. Tedim Road mah bangin, hawklam, sewer line sidewalk etc.. te hoihtak kibawl ding. A kisap leh East West in kikhen ding hi. Lampi gual nih leh thum omlai ding hi.

Khen V. Kongzin lam (Alleyway)
Kongzin lam neu tam mahmah ding ahih man in exemple khat bek kong gen ding hi.
Pu Thawng Khen Pau te leh Pu Tual Khaw Mang te inn kikal aa pai suk kongzin lam pen kham lua (Too Steep) ahih man’in concrete steps ki bawl suk ding hi. Kongzin Lam te amun amual zui in ki bawl ding hi.

Khen VI. Drainages and Culverts.
Atung kikhuh Hawllampite (Covered Drains.)

Lamsaklam lampi dung innmai teng ah hawktui (Surface runoff) luan nading atawmpen pi 2 azai (Minimum 2 feet wide) a tung kikhuh hawklam (Surface runoff covered drain) kibawl ding hi. Hih hawklam te pen mipi lamzin nuai or khelamzin (Pedestrian) nuai zong hithei hi. A thukna leh a khapna (Depth and gradient) designer te tuatna bangbang hi ding hi. (To prevent easy wear and tear of the concrete, the velocity of the storm water should not exceed 2 ft/sec) Leilup a khamkhai luatna mun (Very slope topography) hawklam te-ah, hawktuizeu (Cascade) bawl kul ding hi. Hih hawklam te a leilup zui a kibawl lampi kantan hawktui luanna (Culvert) te tawh kizom dimdiam ding hi. Nasep amanlangh theih nading in precasted concrete zat zawh nang hanciam ding.

Atung kikhuhlo Hawklamneute (Uncovered Drains)
Hih atung kikhuhlo hawklamneute pen bikhatui hawklamneu (Gutter) tetawh kizom kim ciat ding hi. Luineuneu te luigolte sungah, tuapan Meitei gun suagah a’luansuk mah bang in, atung kikhuh hawklampite ah kigawmsuk ding hi. Tuapan Lampi Kantan Hawklampi (Culvert)te ah luangsuk ding hi.

Lampi Kantan Hawklampi (Culvert)
A leimaitang lup (Topography) zui in, a kisapna mun tengah lampi kantan hawklampi kibawl ding hi. Hih culvert te pen, mawtaw lampi kantan aa kibawl ahih mah bang in, Re-inforced Concrete (RC) ahih kei leh Armco pipe ih cihte tawh khauhtak kibawl ding hi. Hih culvert te pen covered drains te tawh kizom kim ding hi.

Hih lampi kantan hawklampi (Culvert) teng nidang PWD te bawlna mun teng mahah kibawl kik ding hi. Kei ciapteh thei lai mun teng Welcome to Tedim pan: 1. Leitawhtan lampi kahto na nuai (Sialtang Water Supply washout zong om hi.) 2. Pu Tun Za Tuang te inn kiang lui, 3. kua inn kiang hiam? Khat om lai. 4. Bo Put Pa te inn kiang, 5. Leilum Kantein kiang, 5. Pu Ngaih Pau te inn kiang, 6. Leilum leh Lawibual gamgi. 7. Seven Day Adventist Mission huang luii (Brook), 8. Custom Luii (Brook), 9. Lawibual sang leh Pu Pum Khan Thang te inn kikal,(Public Tapstand om hi) 10. Pu Dal Za Khup leh Pu Kawl Vela te inn kikal, (Sialtang Water Supply Washout leh Public Tapstand zong om hi.) 11. Pu Than Tuang leh Pu Kham Sial Khup inn kikal. 12. Pu Gin Kam Lian leh Pu Khual Za Kham/ Pu Langh Za Kham inn kikal, 13. Zato lui (Dr. Kam Cin Dal te inn kiang) 14. Pu Khup Suan Thang te leh Pu Pau Do Dal te inn kikal. 15. CMBC biakinn paitona lampi leh Pu Thang Sian Pau te inn kikal, 16. Sia Kam Lian Thang leh Sia Thang Za Kam te inn kikal.(Bublic tapstand om hi) 17. Party Unit Zum leh Bo Ngim Do Thang te inn kikal. 18. Vansangdim lui. 19. Pu Ngul Za Nang leh Pu Gin Khup te inn kikal, 20. Lt. Col. Suan Do te inn mai. 21. Pu Khoi Hau te inn leh Pu Kai Khaw Zam te inn kikal ah khat om hi a mun cian nawn keng. 22. Teeklui khua lamka ah khat. 23.Mualtuk tunma luiikawi (Sathei luii) ah khat.

Hih hawklam te pen atam zaw Armco pipe te tawh hoihtak kibawl hi. Tua ahih man’in Sialtang tuilak public tapstand tawh atam zaw ki phutkhawm pah hi. Note: Inn nei te minte pen nidanglai kei ciapteh bang aa ka at hi aa, tu’n tampi kikhel zo ding hi.

Theiding (lesson) Ih huang kiangah/sungah hawktui hong luanding deihlona hangin, culvert pawlkhat kivukcip/kikhaktan ahih man’ in, tumaa kum 4/5 lai pawlin, Tedim Khua laizang ciim ding in hong khaang aa, inn pawlkhat bang kituah hi.

Khen VII. Ektui zuntui leh anbuktuinin hawklam (Sewarage and Wastewater)
Hih lampi nuai or lampi nawl ah ektui zuntui leh anbuktuininte (Sewage and Wastewater) pai nang’ (Main sewer line) kibawl ding hi. Septic tank leh Pour Flush ekbuk te pan house to house sewer line kibawl ding hi. House to house connection sewer line neu te distribution box ah kizom kim ding hi. Tua distribution box pan main sewer tawh kizom ding hi. Mun leh mual leilup zui in Cesspool ki bawl kawikawi ding aa, main sewer line te tawh kizom ding hi.

Tuininte kholna bual leh Asianthosakna bual (Cesspool and Sewage Treatment Plant)

Tuinin kholna bual te (Cesspool) zong akisapna munte ah bawl kawikawi ding. Hih cesspool te pen tuinin sunga om ninte khenkhiatna/hawikhiatna bual hi. Tua ahih ciangin tuinin sunga ninte ah physical, chemical and biological ninte om a hih manin, cesspoll in alo theilo mihing, ganhing, singkung lopaa leh kiim leh paam a’ding a kisam, bawlloh a’phamawh mahmah khat ahihi. Hih anin ih hawikhiat te pen ankung te a’ding ekleiza (Manure) hoih mahmah suak lai hi.

Sewage Treatment Plant: Sum leh paai aki cing leh tuinin sianthosakna bual (Sewage Treatment Plant) zong bawl ding hoih hi. Hih sewage treatment plant te tupna/ngimna in, tuinin te pan kiim leh paam siatna a piangsak loding leh leitang, hui, luitui te a’ ninsaklo ding tuisiangtho asuah dong khaihna ahihi. Tui hamsat mahmah na khua Singapore leh Windhoek te ah, hih sewage treatment pan aa tuite, dawntui (Drinking water) ding in a kizangkik thei dong in, siansuah uhhi.

Khen VIII. Anbuk nin kaihkhop na leh buakna (Gabage Collection and disposal)
Inn kim-in anbuk nin khawlna bung khat or munkhat nei hamtang ding aa, nisim in anbuk nin te paai tawntung ding hi. (Zusa, innlawii leh tho a tawm nading, to minimize the number of rodent, cockroach and fly) Inn 10 bang apha veng khat inn annbuk nin kholna bungpi or mun khat nei ding aa, tua sungah aveng teng in nin khol ding hi. Tua vengneu aa kikhol ninte nipi khat in nih vei kikaikhawm ding aa, nin buakna ding aa kisehna mun ah kibua ding hi. Hih nin buakna mun ding veng kim in (Leilum, Lawibual, Myoma, Sakollam) khat ciat peuhmah nei kul hi.

A kizang kithei nin te (Recyclable) (Khimuthol, plastic, siik them, umsia belsia..) kituam khol ding aa, ki siangthosak kik or kisawpsiang kik in kizang kik ding hi. Guu suak thei nin te (Toxic waste/hazard waste) Gtn; Mawtaw peisia (Old tire), Battery, computer vansiate.. kiim leh paam a siasak loding (To protect the environment) in hoihtak kipaai ding hi. Sum piak kul ding.

Khen IX. Dawntui zawn (Drinking water pipeline)
Khuapi a hihna dungzui-in, innkim in inntui (Running water) la ding hi. Water meter bulh kim ding. Taangtuinak (Public tapstand) zong kikoih kawikawi veve ding hi. Kaangmei paatau dal nading tuimukgol (Fire hydraint) kiphut kawikawi ding hi. Cikmah hun in nektui zawn (Drinking water pipeline) leh tuinin hawklam (Sewer line) tomkhawm, paikhawm’ kiphumkhawm ngeilo/theilo ding hi. Tui man’ sum (Water fee) piak kul ding.

Khen X. Tenna inn leh Sumzuak sumleina inn (Residential and Commercial building).
Tenna Inn (Residential building)

Tenna inn te pen a hoih theithei a etlawm theithei ding in lam ding hi aa, ahizongin Building Code tawh kituak (Conform with the building code) kilam sak bek ding hi. Tenna inn te hoihtak sikkhauling (Barbed wire) tawh um ding. Singkhauling tawh ih um zawh kei leh daipak kung, te tawh hoihtak suan in, um sinsen ding. A tung sikkang teng a dum (Green color zut ding) (Madatory)

Ten’na leh sumbuk kithuah inn, (Residential cum commercial house)
Ih Khamtung innte in lamdung zui in lamsak lam’ lamkhang lam’ ah kilam phei dimdiam hi. Lamsak lam’ a kilam inn a tamzaw dawlnih in kilam aa, anuaidawl pen sumbuk or sumzonna khat pepeuh in kizang hi. Inn atungdawl pen ten’na in kizangh hi. Lamkhang lam’ a kilam innte anuaidawl pen ten’na in kizang aa, atungdawl pen sumbuk or sumzonna khat pepeuh in kizangh hi. Myopyiah Simankeng danthukun (Town Planning Building Code) zui in, innte kilam ding hi. Hih innte in lampi lam ah taalap (lean-to) kai theilo ding hi. Inn tung khuhna sikkaang teng a dum (Green Color) kizut ding hi. Innmai/ innpang (Facade) a etlawm theithei dingin kipuah ding. A hoih pen ding kidem ding. Solar panel zatzawh nang kihanthawn ciat ding.

Khen XI. Mangkang kumpinu honguk hunlai innte puahpha in kemcing ding. (Refurbish and preserve colonial buildings)

Zatopi nidang aa numei ward, OPD, Siavuan quarter, Compounder quarter, Vuandok zum, PWD zum, PWD zum luttohna lamphung aom, PWD te quarter (Lt. Col. Ving Ceu inn mai), Vuandok inn, Lai-atpi inn (Dr. Pau Lam Thawnte kongnuai), Vuandok zum piada (Peon) inn (Siapi Vungh Cin Thang te phaitam), Khuado hall tung aa Palik len (Line) lui, Galkap tualpi pang aa nupi len(line) lui, Laabuk lui (Derby lane).. aom teng a maa hihna bangbang in kheklo, behlaplo in hoihtak zunkik ding.

Vuandok zum lai-atpi quarter nuai aom, Bo Pau Cin inn zong tulaitak a’neite phalna tawh puahpha kik ding.

Khen XII. Huang um ding (Fencing)
Kumpi inn huang te in zong hoihtak kigii bawlpha in ki-um sitsat ding hi. Gtn; Vuandok inn, bang hoihtak ki um pha ding. Kumpi zum inn teng zong um pha ding. Kumpi innteng atung sikkang vandum (Sky blue) color zut ding. Biakna inn teng zong hoittak huang um ding. A tung sikaang CMBC biakinn tung color zut ding.

Khen XIII. Sanitation and Public Health

Inn kim in tho luttheilo ekbuk (Fly proof latrine) khat ciat neih loh phamawh hi. Khuapi sunglam zawdeuh te in, khuapi sung a uih loh nadingin, odorless pour flush ekbuk namte nei pelmawh ding hi. A neizo te in Septic Tank ekbuk zatding hancian ding hi. Eksiakna (Ablution) tui zangh ding. Ahih kei leh eklai, laidal zangh ding. Laikhauh (Card board) ciangkang (Twig) zangh lo ding. Zun zong ekbuk mah ah tha tangtang ding. Khuasungah khualzin gamvak te zat theih ding taang ekbuk/zungbuk (Public latrine) koih kawikawi ding. A kithaangzat (Misuse) loh nading kem cing ding. Nattut natna, yellow fever natna apua thoka’ng (Mosquito)te akeuh lo nading, tuivung (Puddle) omsak lo ding.

Khen XIV. Paak suan ding (Horticulture)

Innkim innpaam mun awng khempeuh ah, paak hoih nono kiciing ding. Paak suanlo innte kigaam (Fine) thei ding hi. Inn bikhalap khawngah zong paakbel tawh khai in suan ding. Paalpipak (Orchid) zong kemcingin suan ding.

Khen XV. Sauveipi a kimang’ thei Thagum (Sustainable Energy)
Wind mill, hydropower, solar power te atam theithei zat nang han ciam ding. Sing khuah tawmbek a kisam thuk bawl ding zang ding.

Cement Concrete Specification Code;

• 1. Reinforced Concrete (RC) 1:2:4 (Cement: Sand: Aggregate)
• i. Column, ii. Beam, iii. Slab, iv. Pile
• 2. Lean Concrete 1:3:6 (Cement: Sand: Aggregate)
• i. Foundation, ii. Retaining Wall, iii. Drain

Hih “Green Our Neighborhood” “Ihveeng Ihpaam Duum Sak Ni.” project a’geel a’vaihawmkhia ding committee, (Executing Committee) khat anuai a bangin phuat ngeingei kul ding hi.

• 1. President State Hluttaw member
• 2. Vice President (1) Mayor
• 3. Vice President (2) Township Administration Chairman.
• 4. Vice President (3) Township Medical Officer.
• 5. Vice President (4) Township Agricultural Officer (Horticulture)
• 6. Secretary Township Municipal Administrator
• 7. Associate Secretary (1) Township Land Survey Officer.
• 8. Associate Secretary (2) TYA Chairman
• 9. Treasurer Myomih Myopha Treasurer
• 10. Assistant Ttesurer Bank Manager.
• 11. Auditor Township Account/auditing Officer
• 12. Assistant Auditor Township Education Officer
• 13. Member High School Headmaster tegel
• 14. Member Hausa teng
• 15. Member Church Pastor teng
• 16. Member Township Fire Brigade Officer

Asep taktak ding committee (Implementing Committee)

• 1. Chairman Township Municipal Engineer.
• 2. Vice Chairman Township Construction Engineer.
• 3. Secretary Rural Municipal Administration Officer Kua
• 4. Assistant Secretary ???
• 5. Member
• 6. Member
• 7. Member

Tedim khua Saimual pan gaaldot leng hoih mah zensi in cia! Scenic Tedim Town.

Lungdam. Topa’ THUPHA.

Khupkhan Thang Taithul
5104 Ladbrook St.
Norman, OK 73072
U.S.A.
(405) 409 0536.
Jan 01, 2015