Ih ngah takpi hiam ~ Pu Thangboi

Ih ngah takpi hiam ~ Pu Thangboi

Tedim zatopi ading van tampitak aciangciang in akipuak ziahziah lam ihzak man in lungdam hang. Hih dan dongtuahna khatpeuh a om ciang in huhna kipiate kithuap (overlap) khathei mahmah hi. Tua ban ah hoih tak etcikna leh khinkhaina (M&E = Monitoring and Evaluation) a om kei leh akisam taktak mipi in kizangh kha khollo thei hi.

M&E mechanism kisam mahmah hi. Piak cihtak in piapong in van bang teng neita, bang teng kithuap (akithuapte bangcih ding), tua vante koici zat ding, azang thei ding siamna nei ommaw omlo, bang teng kisam lai etc.. cih a encik ding leh a khinkhai ding M&E mechanism a omkei leh ih vante kizangh khol hetlo lel ding hi.

M&E Bangci Form Up Ding ?

M&E Committee pen kumpi nasemte bekbek tawh aki form mawk leh dahhuai mahmah ding hi. Tulaitak kawlgam kumpi nasemte’ ki-ukzia pen Top-down vive hilai hi. Thu kikum ngeungeu cih bang om theilo hi. “Meeting” acih mawkmawk uh hang thungai hilel uh hi.Alianpen’ deihna bangbang a apai hilel hi. Bureaucrat taktak hilel hi.

Tua ahih man in M&E Committee sungah kumpi nasem uliante ban ah amau’ zahtak ding khuanu khuapate, biaknasiate ban ah tulai khuahun luanzia athei ateitang gam leh lei akhual takpi khangno pawlkhat zong kihel hamtang leh hoih ding hi.

M&E Committee hoihtak ih form up kei leh ih vante pammaih lua ding hi. Committee kician khat om hileh van kithuapte bang amundang (Gtn. Kaptel, Tuithang, Tonzang, Cikha) khawng ah puak le hang hamphatna tamzaw tham ding hi.

M&E min ih deih kei leh zong hoih ihsak khat phuah ding hi a tua committee in hoihtak hong encik in hong khinkhai leh ih met mahmah ding hi. Ih Ngah Takpi Mah Hiam? Genkhialh a om leh ngaidam, lungdam, Mung Laan Thang (Tonzang, Zogam)