New Zealand ah huihpi guahpi nasia mahmah in, Electric mei siacip

New Zealand ah huihpi guahpi nasia mahmah in, Electric mei siacip

New Zealand ah Sunday ni in huihpi guahpi nasiatak in kipeigawp ahih manin, tuipi te kiloksakgawp in mencim tawh, Electric mei kisia tawh gamsung buaisakgawp cih Reuters pan kiza hi. Emergency Services Officials te genna ah hih huihpi nawkna hangin inn tampitak Electric mei kisia in cimawh mahmah uh cihi.

New Zealand gam ii khuagolpen khat ahi Auckland City sungah huihnun thahatna pen naikhat in 100 km (62 miles) bang hi a, singkung te kileu gawp, pukgawp in Electric Power Line tezong kisia gawp cihi. Huihzapna hangin tuipi panin tuikhangto sakin, lampi tezong ki zangtheilo, kikhakcip hi.

New Zealand Electricity Grid Operator Vector te genkhiatna ah Sunday nitaklam in inn 3000 bangin Electric Power ngahzolo uh ci’n genkhia hi. Huihpi guahpi anasiat mahmah hangin, asi aliam bel bangmah ki Report na omlo cibilbel hi.

Auckland Civil Defence and Emergency Management Director John Dragicevich in agenkhiatna ah khuasung mipi te kisapna te amanlang in kahuhzawh nadingin kahanciam uh ci’n Statement ah genkhia hi.

New Zealand Fire Service te genna ah Auckland ah tuihual in ataih mi 10 ki honkhia kikthei ci a, inn bel 321 bang tuihual in taikhia cihi.

More: New Zealand gam aom alamdang mahmah “Champagne Pool”

Abeisa ni 5 sungbangzong New Zealand, Upper North Island lamah huihpi guahpi in anawknawk khinsa hi a, Sunday nitaklam ciangin hong huaisia mahmah cih kiza hi. ZD Sawltak #zomidaily