Idea (ngaihsutna)

Idea (ngaihsutna)

Hunkhat lai in mihau mahmah khat om hi. Tua mi haupa in a it mahmah tapa khat nei hi. Mihau pa in a sihding ciang in a neih a lam khempeuh zuakmang in bangmah om nawnlo hi. A tapa pa a’ ding bangmah om lo aa a neih khempeuh beisiang hi.

Mihau pa a sihding ni hongtun ciangin a tapa sam in “ka ta aw nangbek ta aa kong neih na hihi. Kong it pen nangmah na hihi. Tu in kei a siding hita ka hihmanin hih khi hong pia ning ci in a vom ngait nguat, a et lawm het lo, a deih huai lo ‘khi’ (necklace) khat pia hi. Hih ‘khi’na neih nakleh kei napa sangin na hauzaw lai ding hi. Na kampha ngiat ding hi. Na nuntak sungin kemcing in” ci in sihsan hi.

Hun hongbei toto aa kum (20) khitbang ciangin tua pa zawngsemsem in, a tate sangsum ding nangawn pia zolo, nahaksa pi sem in, nektawm dingzong hamsa sa ta hi. Thu hong ngaihsunsun aa -ka pa in nahau ding, keisang na hau zaw ding cina pi banghang zawng mawk ka hi hiam? Ka pa’n hong khem ta hiam? Ka pa’n lah zuau hong ngenngei sam lo aa- cih bangin hong ngaihsun ta hi.

Nikhat ni ciangin tua mizawng in nidang lai aa a pa ii lawm te khatkiangah a thuteng ve gen hi. A pa ii lawm in – na pa in a neih khempeuh tawh tua ‘khi’ a lei a hihi ci in gen hi. Mizawng pa zong lungdam lua in a ‘khi’ zuak kik hi. Suangmanpha a man na khangkhang ahihmanin a pa ii sum neih zahsang in hau zawtham pek tak pi hi.

Hauhna, pilna cih pen gamla pi ah a om hilo aa tua mizawng pa in hauhna a ngawng ah a ok gige mahbang in hauhna pen i gei nai mah ah a om a hihi. Hauhna leh pilna cih te pen mihing kim in kinei hi. Tua mizawng pa mahbangin ih Ngaihsutna hong ki hongvat leh thakhat in mihau, mi nuamsa, mipil a ki suak ziau ding a hihi.

Lungkiat nading om kei. Tukum ngaihsutna (idea) hoih khat in honglam sang ding hi. Siamsin Library