China Hotel sungah nasemte kihhuai takin agamtatna Video kizaihsim

China Hotel sungah nasemte kihhuai takin agamtatna Video kizaihsim

China gamsung aom Hotel minthang mahmah 3 te ah nasem te’n cidamna “Basic Hygiene” tawh kituakin aseplohlam Video ki khahkhia hi. Bulut “Brush” khattawh ekbuk nawtzel, khutsawp maiphiatna Basin nawkzel, tuabek thamlo, annekna in akizang pakan, hai cihbang “Crockery” tuamtuam tezong tua Brush mahtawh nawkmawk hi.

Hih thupiang Northeastern China sung aom Heilongjiang Province, Harbin khuasung ah thupiang ahihi. Harbin khuasung ah “hygiene, tourism, food and drug safety” cihte a encik Municipal Watchdog te’nzong hih thupiang pen atakpi mahhi ci’n genkhia uh cih SCMP te’n pulak uhhi.

Hih Video pen Tuesday ni in “Pear Video” kici te ii khahkhiat hi a, lamdang kisa mahmah hi.

Tuabang in cidamna “Hygiene” tawh kituaklo in agamta Hotel tepen Sheraton Hotel, Shangri-La Hotel, Kempinski Hotel cihte ahihi. (Myanmar gamsung Yangon ahzong Shangri-La Hotel khat om a, Naypyidaw ahzong Kempinski Hotel khat om hi.

Tua Video aki khahkhia tepen “Pear Video” Reporter khatin Hidden Camera tawh azaihsim ahihi. Tua Hotel te ah nasem kisin “intern” in alut hi a, Hotel nasem te ii nasepzia pen Camera akiselsim khattawh azaihsim ahihi.

Shangri-La leh Kempinski Hotel te aki zaihsimna ah nasem te’n ekbuk sawpna Toilet Brush tawh tuidawnna Cup khawngzong sawpzaza takpimawk uhhi. Tuabek thamlo, sual “floor” taihnading in azatding uh dial “towel” tepen Toilet Bowl sungah sawpsuk ziauziau uhhi.

Sheraton Hotel ah akizaihsim Video sungahzong nasem khatin Brush khatbek zangin Toilet sawpzel, Basin te sawpzel in kihhuai mahmah hi.

Tua Hotel tepen China gamsung bekthamlo, leitung gamtuamtuam ah aomkawikawi, Hotel minthang mahmah te hi a, zankhat giahmanpen US$105 panin US$410 kikal ahihi.

Video: Chinese hotel cleaners caught using toilet brush to wash cups and basins

https://www.youtube.com/watch?v=F_B7E_eE7Zc

City’s Authorities te’n tua Hotel te ah Joint Inspection bawl uh a, Pear Video aki khahkhia pen atakpi ahihlam pulakkhia uhhi. Tua Hotel tepen Hygiene tawh kituaklo ahih manin, liausum kipiasak kici a, ahi zongin bangzah kipiasak cihpen ki suaksaklo hi.

Hihvai tawh kisai in Kempinski Hotel te’n Social Media tungah apulakna ah hihbangin nasem te agamtat pen kadah kakhial mahmah uh a, mailam ah hihbangdan aomnawnloh nadingin nakpitak in kadalcipding uhhi ci’n genkhia uhhi.

More: Myanmar Tourism Ministry te’n Hotel saap khiamsakding ci

Shangri-La Hotel te’nzong Statement khahkhia uh a, Hotel sungah hihbangdan nasem te Internal Investigition kipankhin in, hoihtak ki kankhiading cihi.

Sheraton Hotel te’n ahihleh bangmah mipi muhdingin khahkhiat neinailo uhhi. Sawltak #zomidaily