Hollywood Actress minthang Angelina Jolie leh Brad Pitt kikhending

Hollywood Actress minthang Angelina Jolie leh Brad Pitt kikhending

Leitung Hollywood Actress minthang mahmahkhat ahi Angelina Jolie in apasal Brad Pitt tawh kikhenna bawlsawm uh cih AFP News pan kiza hi. Angelina Jolie leh Brad Pitt te nupa pen Hollywood ah aminthang mahmah nupakop hi uh a, anupakop un akisap ciangin “Brangelina” cihbang in Hollywood Celebrity Couple khempeuh te lakah aminthang mahmah “Highest-profile” in aki ciamteh te ahi uhhi.

Entertainment News Site minthang khat ahi TMZ te genkhiatna ah Brad Pitt tawh omkhopding alemkikthei nawnvetlo vaikhat om ahih manin, Angelina Jolie in Monday ni in kikhenna abawl ci uhhi. Tua Legal Document sungah September 15 ni akipan aki khensiang hiding ci’n kigelh hi.

Angelina Jolie pen kum 41 phakhinta a, Bard Pitt pen kum 52 hita hi. Amau nupa pen Hollywood ah minthang cihciangbek hilo in mizawng daipam tezong ahuh apanpih mahmah innkuankhat ahi uhhi. Adiakdiak in Angelina Jolie bangpen UNHCR in Special Envoy in azatkhat ahihi. Mi hehpihthei mahmah uh a, mizawng te tazong amauta mahbangin kepsak Adopted uhhi.

Tuahi a, hihbang in Angelina Jolie leh Brad Pitt te kikhending akizak ciangin lamdang kisamahmah hi. Mangkang te’n “world’s biggest stars” acihliang te nupa pen innkuansung bangbuaina om himawk dinghiam?

Angelina Jolie leh Brad Pitt pen abeisa 2014 August khasung in France ah akiteeng pan uh ahihi. Ahi zongin 2004 kum akipan akithuah khawmkhawm uh hi a, kum 10 sungbang akithuahkhit uhciang in Legal takin akiteengpan uh ahihi.

Tua akiteenzawh kum 2 hipan a, kikhending cihthu hongthang leuleu hi. Hihte nupa in amausung pan apiang ta 3 neikhin uh a, adangzong midangta amauta bangin akep (Adopted) ta 3 nei uh a, akigawm in ta 6 anei uh ahihi.

Cihsam hangin Angelina Jolie pen Brad Pitt tawh akiteenma in pasal nihvei neingei khin hi. Tuate pen Hollywood Actors mah hi uh a, Jonny Lee Miller leh Billy Bob Thornton te ahi uhhi.

Apasal Brad Pitt zong Angelina Jolie tawh akiteenma in zi khatvei neingeikhin a, tuanuzong Hollywood Actress mah ahihi. Aminpen Jennifer Aniston ahihi. Tu’n hite nupa hongkikhenleh bangthu hongpiangsak leuleu uhtam?….. ZD Sawltak #zomidaily