Malaysia gamsung ah IS migilo tawh akizom mi 14 kimankhia

Malaysia gamsung ah IS migilo tawh akizom mi 14 kimankhia

Malaysia gamsung ah kumpi thuneite in IS migilo tetawh aizomding in aki ummawh mi 14 tuni in kiman cih Channel News Asia pan kiza hi.

Hihvai tawh kisai Royal Malaysia Police te Statement genkhiatna ah akiman mi 14 lakah numeikhat kihel a, kum 20 panin kum 49 kikal pawlvive ahi uh cihi. Malaysia gamsung munkhatpan avekin akimankhia hilo a, State tuamtuam mun 5 pan amatkhiat uh ahihi.

Hih akimanteng lakah mi 12 tepen Malaysia gamsung ah ngongtatding in sawlna a ngah uh hihtuak cihzong Police te’n genkhia uhhi. Tua asawlkhia makaipipa pen nungdiak June 28 ni in Puchong ah buaina apiangsak, Night Club ah Bomb apuakkham sakpa mah hiding cihzong genkhia uhhi.

Adang khatpa ahihleh Klang Valley sungah apuakkhamsak dingin sawlna a ngahkhin ci a, tua asawl makaizong Puchong buaina apiangsakpa mah ahihi.

Apuakkhamthei ngongtatna ah zatding vanzong pawlkhat mankhia uh a, tuate pen Malaysia palik ulian te kapnading ngimna omkhin cihzong genkhia uhhi.

Tusung leitung gamtuamtuam ah migilo te bawlsiatna tuamtuam kizaden a, tuciangciang Malaysia gamsung ah ahuaisialuapi omnai samlo hi. Ahi zongin mipi omna leh mun thupi te pelhleng ahoih zawtam??? ZD Sawltak #zomidaily