Hluttaw Ohkathah T Khun Myat tawpsakding thusunna lawhsam

Hluttaw Ohkathah T Khun Myat tawpsakding thusunna lawhsam

Pyituh Hluttaw Meeting 16 veina ah Hluttaw Ohkathah a sem laitak ahi T Khun Myat pen vai tuamtuam tawh a tawpna dingin USDP makaite thusunna a genda pen palaite in tuni-in vote la uh a, vote in lel ahih manin Ohkathah a sepna pan Pu T Khun Myat kikhawlsak lo ding hi, cih kikipsak hi.

• Vote pia thei khempeuh: 395
• Khawl ding thukim khempeuh: 132
• Khawl ding thukim lo: 243.
• Vote pia lo: 5.

Pu T Khun Myat tawpsakna dingin vote pia khempeuh ii seh thum suah seh 2 kisam a, ahi zongin sehthum suah seh nih gen loh alang cing zo lo ahih manin Hluttaw Ohkathah panin kikhawlsak lo ding ahi hi. Pu T Khun Myat pen thu-um mi khat ahi hi.

World Health Organization ah USA in huhna sum puaknawn loding

World Health Organization (WHO) adingin kumsim sum tam a thun pen USA in tu a kipanin USA in World Health Organization ah sum a piakte pia nawn lo ding hi, ci-in President Trump in tangko hi. A hang in WHO in Coronavirus tawh kisai hoihtakin nasem lo a, China kumpi deih dandanin gamtang hi, ci hi.

President Trump in a genna ah China in WHO tungah a hun lapin Coronavirus tawh kisai zaksak ding a kilawm bangin zasak lo hi bek loin WHO tawh kopin Coronavirus tawh kisai-in leitungbup hong pumpei uh hi, ci hi. USA in WHO ah kumsimin $ 450.00 million ta puak a, China in $ 40.00 million khawng bek puak hi, ci hi. USA pen WHO adingin a hinna thaguipi khat hi a, ahi zongin tu-in tua thaguipi amah leh amah a kisutat hi ta hi, ci hi.

USA in kumsim WHO ah a puak $ 450.00 te pen leitungbup mundangte ah a kisam bangin muibun zaw leh man nei takin kizeek khia ding hi, ci-in gen hi. Source: Los Angeles Times/ The Tedim Post

Tedim DC Vai thu nunung

1. Chin State panin Cabinet te in Teim DC vai Nipidaw ah Kumpipa tungah puak ding ci-in 15/5/2020 ni-in thukim ta uh hi.

2. Tedim vai hong gintakteh U Soe Htet in “Paletwah zong hong tinsak un” ci ahih manin anih in kitinto dingdan ahihi.

3. Koi in ngahzaw dingcih bel makaite siam dandan hong suakta ding hi. Tedim lambel piak huaizaw cih Uliante in zong atheihsa uh hi phot hi.

4. Tu leh tu in kingah pah nailo ding hi. Amuhtuaite ( laikisam teng) update kibawl kiklai ding hi. Laiteng Update khitteh CM in sign dingin Kumpipa tungah kipuak panding hi.

5. A kingah khin danin lungmuang in om hithiat nai kei ni. Paletwah tawh akitin khawm ding ahih manin thasan mahmah kullai hi. Ih min deihluat nate koih photin ngahmasa phot ni.

6. CM Pu Hong Nhai lungphona kinei ngei hi. Ki ngah tuanlo hi. Myo vai zong akta duhgawh lawh kikhup dan ih suak mawk hi. Khuanung pilna in nei ni.

7. Makaite aw mipi te nong khualna un hong ki haza (mideih luat manin) hong gamta nai kei mai un. DC ngah ma siahsiah kam dimdim in pau lualua nai kei ni. Dai takin semsem lai phot ni.

8. Hih ih taisuah zenzen leh Chin State ah DC tamluata ding ahih manin ngah hakto semsem ta ding hi. Myone Kua om in DC 4 om khin aci kumpi thunei te om ta hi. By: Taang Phualva/ Phualva Lungtuak Media