Hitler ii Telephone zatlui $243,000 tawh kilei cizen

Hitler ii Telephone zatlui $243,000 tawh kilei cizen

Adolf Hitler ii Telephone zatngei khatpen zanni Sunday ni in United States ah Auction in kizuak a, $243,000 kikhawng cizen hi. Adolf Hitler akicipa pen German Politician khat hi a, Nazi Party makaikhat ahih banah galpi nihna hunlai “World War II” in aminthang mahmah galkapmang khat ahihi.

Hih Telephone pen Wehrmacht pan letsong in Hitler akipia kici a, World War II hunlai in hih Telephone tungtawn in sawlna Commands tampi piakhia kici hi. Tua Telephone pen 1945 kumin Fuhrerbunker panin aki mukhiakik hi a, akimuh khiatkik akipan hoihtak in singkuangsung ah kikemcip hi.

Siemens kici Company te bawlkhiat hi a, akibawlcil in aci pen avom kici hi. Anunglam ciangin asan tawh ki zutnelh in, tuaban ah atungah “Adolf Hitler” ci’n lai kigelhsak hi. Tuaban ah Nazi Party ii Symbol ahi “Swastika” limzong kituaksak hi.

Hih Telephone sungpan akihona tungtawn in Hitler in na tampitak susia ahih manin, hih Telephone pen “Hitler’s mobile device of destruction” peuh cimai uhhi. Hih Telephone sungpan in athupiakna Command tungtawn in leitung mihing Millions tampitak kithat cimawk hi.

Hih Telephone pen British Officer Ralph Rayner kicipa in Berlin City ah azin laitak in Hitler’s Bunker kicihna pan amuhkhiat hi a, galven khitdeuh in aki mukhia cihi.

Amukhiapa pen 1977 kumin si a, atapa in kemto hi. Atapa ii genna ah kapa in hihvan pen Hitler ii gualzawh hunlai in azat vankhat hi ci’n mulo hi. Gal hunsungin akizang vankhat in muzaw hi ci’n CNN te tungah genkhia ngei hi. Hih Telephone pen vanthupi mahmahkhat suakding ci’n kapa in ngaihsun ngeivetlo cihi.

Hih Telephone pen tu a zahsangin tampi ki khawngzaw theiding cih ka um hi, ahi zongin tu a zahtawh zuakkhiat a, mangpha khakding kakizo hi. Zong kisikngap keng, banghanghiam cihleh hihpen hongki guksakding kalung himawhden hi. Tuaban ah hih Telephone in hong kamsia sakthei ci’nzong hongki genzel ahih manin, zuakkhiatding kaki zo hi ci’n genbeh hi.

Leitung mihau te deihdanzong atuamtuam himai ei, bangci nasa a, Comment sukdih ou lawm… ZD Sawltak #zomidaily