Hillsong Worship makaipa, John Cooper in adawnna

Hillsong Worship makaipa, John Cooper in adawnna

John Cooper pen Christian musician hi-a, rock Band Skillet ahmakai hi-in Khristian upna khauh takin alen tinten pa ahihi. August 13, 2019 ni-in Cooper in a facebook ah, “What in God’s Name is Happening in Christianity?” Pasian minzangin Khristian sungah bangthu pianghiam? Cih tawh post hi. Hillsong Pasian biakpiakna makai leh laphuakpa in tukalsung in Khristian upna kanusia ta hi’ cih tawhkizui in Cooper in thu dangdangte agenma in Khristiante pen Pasian kammal thuman thutakah zungthukkhak dingleh tuathuman’ in lawppak henhanna te avenkhitciangin hongtawn sawnzoding ahihna genmasak innei hi.

“Ei Khristian tesungah bangthu hongpiang hita hiam? Dangnal, kampau siam makaite leh mimai ah mizothawh [influencer] tata te a upna panun pialkhia ta uhhi. Milak aa dangnal, kampau kivaleh mimuan tata’ ahangsan tata te ahi uhhi. Tuabang mi kampau kivate Pasian thuman’ pan in lamhongpial takuhteh midangte olnotakin zothawh uh a, amau hihna lamlam [mantaleh mantakeileh] umsakbaih mahmah uhhi. Cooper genna ah keibiakna tawh akibanglote thukhen kahi hetkei a, keimawh puakzong hilo hi. Kalawm hoihtampite in kei biakna hongthukim pihlo tampi om a 100% phamawh lohi. Ahizongin keima upnasung Khristian pihte tawh upna thuka genciangin eimau upna pen cihtakna leh mawhpuakna lianpen Pasian kammal tungah ih neiciat hi, kaciden hi.

Ken[Cooper] kagen zelpen banghiam cihleh mizothawh [influencer] dangnalte [outspoken] amau kivakna bek enin makai-in ihkoih lohding cih kagen zawh kum20 phakhin tahi. Mite tungah thukhen luatawh kibangphial hi. Ahizongin Pasian kammal thuman thutak ah zungthuk khalo pikhat kum20 sungbang biakinn ah ama makaihnatawh biakpiakna zang himawk ihih man in lasiam bek, laphuaksiam bektawh ih teleh alauhuai mahmah Khristian kimakaihna hi khading hi. Pasian kuahiam cihpen tulai worship late bektawh kitheizolo a, Pasian kammal kihilh ciatciatna mah kisamhi.

Makaisiam nabektawh hongmakaih tepen [emotional] lawpna lungsimbektawh hongmakaih uh ahihman in sawtpi kizangtheilo hi. Sawtpitak upna kipding ihutleh Pasian kammal thuman thutakte kisamden hi. Laphuak leh lasiamte pen feeling bektawh laphuakuh ahihman in [solid truth] thutak thugilte adiakin Laisiangtho thute ah kiva kimlo uhhi. Khatveivei ciangin ih upnate naupang lua in Laisiangtho in bangci hiam cihsangin lasiam, dangnal tegen peuh ki-awlmawhzaw a Pasian kammal bangzahta in siangtho-a, thukhiam citeh kilungngai nawnlohi. Khatveivei ihngaihsut hetloh khak tepen lasiamtein phatna lasa in athu hoihmaw, Laisiangtho tawh kituak mawcihte lungngai lo in tha ihpiak tampi omhi.

Lamdang kasak hihbang Pasian lasaksiam, thugen siamte in kum20 bang mitampitak piangthak sak khin ing ci-a hangsantak in teci pangnapi uh in, tua kum20 valbang a up biakna tuin kanu siata acihte uhpen lamdang kasakpente ahihi. Kisuanglo uhhiam? Laulo uhhiam? Pasian zahtak na neilo uhhiam? Kacizel hi. Banghangin lawppak na, ukpakna bektawh makaih in amailam ding Pasiantungah koihngamlo pi-a makaih uhhiam? Ka [Cooper] ngaihsutna ah banghangin mite hicibangin omhiam? Ataktak danin kineih uhhiam kacihi. Thu taktak agen, danmah in kammal hoih nono tawh mite lawpsak nuisakin tuapen Pasian adinga hangsanna sakha uhhiam? Tuapen hangsan nahilo in zuaugenna hizawhi. Tua ahihman in tu-a kipan lasak sangin thuhilh [preaching/teaching] kahan ciamzaw dinghi. Midangnal te’ thugenpen mipi in thuman’ sakha pahpah ahihman in thuhilhna thupi zawta hi.

Tuabang a dangnal, kampau siam worship makaite in pastor thuhilh siate sangin kammal kicing zawin pauthei kahihciangin keizong pastor thuhilhsia hitheilua in cih upnazong khangthakte tungah hongthang mahmah ahihman in thuman thutakah ih thu-um mipihte ihkalsuan pihding kisam mahmahta hi. Tu in Worship makai mimuan mahmah pa thu kasim a, “Itna tawh kidim Pasian in banghangin mite Hell paisakding hiam? Cihi. Khristian pawlpi sungah hihbang dotna abeisa kum1500 laipek in kidongkhinngei hi. Sunday school naupangte nangawnin adotuh thu hilel hi. Laibu tampitak in Hell khukthu leh Pasian Vantung gamthu gelhkhin hi. Mimin thangkhat in a upna hongkhahsuah ciangin mi minthanglo tampitakin umkha ahihman in lauhuai mahmah hi. Tua ahihman in ihlungsim tawngpan in Pasian kammal in hongkhelmateng makai sepdinghoih lozaw hi.

Atawpna ah hihbang mizothawh [influencer] te in a upna uh nusia in agensa thute uh nusia vingvengin hong omuh ciang lungkham pihhuai lua hi. Amaute’n ka upna kanusia a ahizongin midangte na it in, cinghin, mimawhna maisak in’ hongci ding uhhi. Ataktak in mawhmaksak na, midangte itzawhna pen Laisiangtho pan ihtheih hi-a, mihing in asuahpih ngeina hilo hi. Siampi, kumpi leh kamsangte in Laisiangtho sungah honghilh thute uh ahihi. Zeisu pen thuman na leh nuntakna ahikei ihcikawmsa a worship makaisem ihihleh ihgenthutepen zuauthu agengen hidinghi. Zeisu in, “Keitawh loin kuamah Pa kiangtung theilo hi” acihmah bangin thugenna lasakna te Zeisu thuman leh thutak ahihnatawh hongkituah keileh amawkna ahihi.

Marty Thompson in banghangin “Laisiangtho kammalte akilehbulh tampi ommawk hiam? Banghangin hite kigenlo hiam? Kasim hangin umzo kiang” cilia hi. “I am genuinely losing my faith… and it doesn’t bother me” ka upna diktakin kakhah suah a zong phamawh kasakei hi” cihi. Michael Brown in adawnna ah, “Hih Hillsong group te pen [prosperity gospel cult] sumbek lunggulh biakna manlohi cihi.

Thukhupna:

Hih atunga, Marty Thompson thupen tulaitakin Khristian sungah akinak genthukhat hi a, Hillsong Gospel lasa/phuak minthangkhat a upna anutsiattak ciang lamdang kisa in ahizongin John Cooper kici Khristian musician minthangkhat in adawnkikna hoihsa kahih manin atawm kimin hongtei sawn ahihi. Pau D.Lian